متحدہ قومی موومنٹ پاکستان (ایم کیو ایم) کے کنوینر خالد مقبول صدیقی نے کہا ہے کہ آج لیاقت آباد کے ایم این اے اور ایم پی اے حق پرست ہیں، جو بلدیات کے نمائندے ہیں وہ لیاقت آباد کے نمائندے نہیں۔
کراچی کے علاقے لیاقت آباد میں عوامی اجتماع سے خطاب کرتے ہوئےخالد مقبول صدیقی نے کہا کہ ایسی جمہوریت جو عوام دشمن اور جاگیردارانہ ہو اسے جمہوریت نہیں سمجھتے۔
انہوں نے کہا کہ آج ایم کیو ایم کے بائیکاٹ سے کراچی کے مسترد شدہ لوگ میئر اور ڈپٹی میئر ہیں، اگر آپ کراچی کے بیٹے ہیں تو 15 سال کا حساب دیں، جو دولت کراچی سے لوٹ کر کھائی ہے پہلے آپ وہ لوٹائیں۔
ایم کیو ایم کنوینر خالد مقبول صدیقی کا مزید کہنا تھا کہ کراچی کی پولیس اور ڈاکو دونوں امپورٹڈ ہیں۔
انہوں نے مزید کہا کہ ملک کی تقدیر بدلنے کیلئے کراچی ایک بار پھر میدان عمل میں اترنے والا ہے
خالد مقبول کا کہنا تھا کہ پورا لاہور جتنا سیلز ٹیکس دیتا ہے کراچی کا صرف لیاقت آباد اس سے زیادہ ٹیکس جمع کرواتا ہے۔
