ہرتیک روشن دوسری شادی کر رہے ہیں ؟

بالی ووڈ اسٹار ہرتیک روشن کو نوجوان لڑکی کا ہاتھ تھامے ریسٹورینٹ سے باہر آتے دیکھا گیا ہے جس کے بعد جوڑی سے متعلق چہ مہ گوئیاں شروع ہوگئی ہیں۔

بھارتی میڈیا کے مطابق مداح اپنے پسندیدہ اداکار کی نئی آنے والی فلم وکرم ودھا کے بے چین تھے لیکن ہرتیک روشن کو پردہ اسکرین پر ایکشن میں دیکھنے کے بجائے ریسٹورینٹ کے باہر ایک نامعلوم لڑکی کے ساتھ دیکھا گیا ہے۔

سوشل میڈیا پر وائرل ہونے والی تصاویر میں دیکھا جا سکتا ہے کہ 48 سالہ کرش اسٹار ایک لڑکی کا ہاتھ تھامے ریسٹورینٹ سے باہر نکلتے ہیں اور گاڑی میں ساتھ بیٹھ کر چلے جاتے ہیں۔

ہرتیک روشن کے ساتھ موجود لڑکی نے ماسک پہنا ہوا ہے جس کے باعث وہ پہچانی نہ جاسکیں تاہم بعد میں تصدیق ہوگئی کہ یہ موسیقار اور اداکارہ صبا آزاد ہیں۔

خبریں گرم ہیں کہ دونوں کئی ماہ سے ایک دوسرے سے مل رہے ہیں لیکن پہلی بار کسی عوامی مقام پر فوٹوگرافرز نے ان کی ملاقات کو عکس بند کیا ہے۔

ہرتیک روشن نے پہلی شادی سوزان خان کے ساتھ چار سال کی رفاقت کے بعد 2000 میں کی تھی اور 2014 میں دونوں کے درمیان طلاق ہوگئی تھی۔ ہرتیک کے دو بچے بھی ہیں۔

دوسری جانب 2008 میں شوبز انڈسٹری میں انٹری دینی والی صبا آزاد اب اداکارہ اور موسیقارہ کی حیثیت سے اپنی جگہ بنا چکی ہیں۔ 2013 میں اداکار نصیر الدین شاہ کے بیٹے عماد شاہ کے ساتھ ان کے تعلقات خبریں گرم تھیں۔

ہرتیک روشن اور صبا آزاد کی جانب سے ان تصاویر اور خبروں پر مکمل خاموشی ہے۔

اپنا تبصرہ بھیجیں