چین میں ایشیاء کے رواں سال کے سب سے طاقت ور طوفان ’یاگی‘ سے 2 افراد ہلاک ہو گئے۔ بجلی گرنے، شدید بارش اور طوفانی ہواؤں کے سبب مختلف واقعات میں 92 افراد زخمی ہو گئے۔ 145 میل فی گھنٹہ مزید پڑھیں
![](https://akhbaar.pk/wp-content/uploads/2024/09/1388484_219600_cyclone-yagi_updates.webp)
متحدہ عرب امارات میں عید الاضحیٰ کی سرکاری تعطیلات کا اعلان کردیا گیا۔
اماراتی نیوز ایجنسی کی رپورٹ کے مطابق امارات کی وفاقی اتھارٹی برائے سرکاری انسانی وسائل (FAHR) نے اتوار کے روز ایک سرکلر جاری کیا جس میں عید الاضحیٰ کی سرکاری تعطیلات سے متعلق اعلان کیا گیا۔
امارات میں وفاقی وزارتوں اور اداروں کے لیے یوم عرفات اور عیدالاضحیٰ کی چھٹیاں 9 سے 12 ذی الحجہ تک ہوں گی۔
اس کا مطلب یہ ہے کہ سرکاری ملازمین ہفتہ اور اتوار کے علاوہ منگل 27 جون سے جمعہ 30 جون تک طویل تعطیلات کا لطف اٹھائیں گے تاہم عید کی چھٹیوں کے حوالے سے جاری کیا گیا بیان سرکاری اور نجی اداروں کے لیے منظور شدہ تعطیلات پر مبنی ہے۔
دوسری جانب وفاقی ادارے نے حکومت، عوام اور ریاست میں مقیم غیرملکیوں سمیت تمام امت مسلمہ کو وقوف عرفہ اور عید الاضحیٰ کی مبارکباد پیش کی ہے۔
واضح رہے کہ امکان ہے سعودی عرب میں حج کا آغاز 26 جون سے ہوگا جس کے لیے دنیا بھر سے عازمیں آئیں گے۔
عالمی فلکیاتی مرکز کے ماہرین نے پاکستان سمیت دنیا کے بیشتر ممالک میں عید الاضحیٰ کی تاریخ سے متعلق کہا ہے کہ متعدد عالم اسلام میں عید الاضحیٰ 28 جون کو نہیں ہوگی۔
امکان ہے کہ متحدہ عرب امارات سمیت خلیجی ممالک میں عید الاضحیٰ 28 جون کو ہوگی۔
جب کہ ماہرینِ عالمی فلکیاتی ادارے کے مطابق پاکستان میں یہ عید 29 جون کو منائے جانے کا امکان ہے۔