چین میں ایشیاء کے رواں سال کے سب سے طاقت ور طوفان ’یاگی‘ سے 2 افراد ہلاک ہو گئے۔ بجلی گرنے، شدید بارش اور طوفانی ہواؤں کے سبب مختلف واقعات میں 92 افراد زخمی ہو گئے۔ 145 میل فی گھنٹہ مزید پڑھیں
![](https://akhbaar.pk/wp-content/uploads/2024/09/1388484_219600_cyclone-yagi_updates.webp)
چیئرمین پیپلز پارٹی بلاول بھٹو زرداری نے مرتضیٰ وہاب کو میئر کراچی اور سلمان عبداللّٰہ مراد کو ڈپٹی میئر منتخب ہونے پر مبارک باد دی ہے۔
جاری کیے گئے بیان میں چیئرمین پیپلز پارٹی بلاول بھٹو زرداری نے میئر کراچی جیالا منتخب ہونے پر اپنے ردِعمل کا اظہار کرتے ہوئے کہا ہے کہ آج پیپلز پارٹی کو تاریخی کامیابی ملی ہے، یہ کامیابی پورے پاکستان کی فتح ہے۔
ان کا کہنا ہے کہ یہ کامیابی کراچی کے جیالوں کی طویل جدوجہد اور قربانیوں کا ثمر ہے، ملک کے معاشی حب میں نفرت اور تقسیم کی سیاست اپنے منطقی انجام کو پہنچی۔
چیئرمین پیپلز پارٹی بلاول بھٹو زرداری نے کہا کہ جمہوریت بہترین انتقام ہے، شہرِ قائد کو حقیقی معنوں میں عروس البلاد بنائیں گے۔
انہوں نے مزید کہا ہے کہ کراچی اب ترقی، امن اور بھائی چارے کا گہوارہ بنے گا، کراچی کی ہر گلی، محلے اور علاقے کے بلدیاتی مسائل بلا امتیاز حل کریں گے۔
بلاول بھٹو زرداری کا یہ بھی کہنا ہے کہ مجھے یقین ہے کہ ماضی میں کٹھن ترین حالات کا مقابلہ کرنے والے جیالے اس مرتبہ بھی سرخرو ہوں گے۔