مینز ایمرجنگ ایشیا کپ کیلئے پاکستان شاہینز کا اعلان کردیا گیا

مینز ایمرجنگ ایشیا کپ کیلئے پاکستان شاہینز کا اعلان کردیا گیا، وکٹ کیپر بیٹر محمد حارث کو اے سی سی مینز ایمرجنگ ایشیا کپ میں حصہ لینے والی پاکستان شاہینز کا کپتان مقرر کیا گیا ہے۔

محمد حارث 5 ون ڈے انٹرنیشنل اور 9 ٹی ٹوئنٹی انٹرنیشنل میں پاکستان کی نمائندگی کرچکے ہیں اور وہ پہلی مرتبہ پاکستان شاہینزکی قیادت کریں گے۔

ٹورنامنٹ 14 سے 23 جولائی تک سری لنکا میں کھیلا جائے گا۔ ٹورنامنٹ میں آٹھ ٹیمیں شریک ہوں گی اور اس میں مجموعی طور پر 15 میچز کھیلے جائیں گے۔

پاکستان شاہینز کو گروپ اے میں بھارت اے، نیپال اور سری لنکا اے کے ساتھ رکھا گیا ہے جبکہ گروپ بی میں افغانستان اے، اومان، بنگلہ دیش اور متحدہ عرب امارات کی ٹیمیں شامل ہیں۔

ہر گروپ سے دو ٹاپ ٹیمیں سیمی فائنل میں جگہ بنائیں گی۔

محمد حارث کی قیادت میں 15رکنی ٹیم ان کھلاڑیوں پر مشتمل ہے۔ محمد حارث ( کپتان وکٹ کیپر )، عمیر بن یوسف (نائب کپتان)، عماد بٹ، ارشد اقبال، حسیب اللّٰہ، کامران غلام، مہران ممتاز، مبصر خان، محمد وسیم جونیئر، قاسم اکرم، صاحبزادہ فرحان، صائم ایوب، شاہنواز دہانی، سفیان مقیم اور طیب طاہر۔

ریزرو کھلاڑیوں میں عبدالواحد بنگلزئی، محمد عباس آفریدی، محمد جنید اور روحیل نذیر شامل ہیں۔

📢 Squad announced 📢

Mohammad Haris will captain Pakistan Shaheens in the ACC Men’s Emerging Asia Cup 2023 next month 🏏

Read more ➡️ https://t.co/LGttqrIXTW#BackTheBoysInGreen pic.twitter.com/DkC3TYbgWd

— Pakistan Cricket (@TheRealPCB) June 23, 2023

پاکستان شاہینز کے کرکٹرز تین جولائی کو لاہور میں جمع ہوں گے جہاں وہ 4 جولائی سے نیشنل کرکٹ اکیڈمی لاہور میں کیمپ میں حصہ لیں گے۔ ٹیم 12 جولائی کو سری لنکا پہنچے گی۔

پاکستان شاہینز کا پہلا میچ 14جولائی کو نیپال سے ہوگا، جبکہ 16 جولائی کو انڈیا اے اور 18جولائی کو سری لنکا اے سے مقابلہ ہوگا۔