نادیہ جمیل اور وہاج علی یمنیٰ زیدی کے حق میں سامنے آگئے

پاکستان شوبز انڈسٹری کی معروف اداکارہ و سماجی کارکن نادیہ جمیل اداکارہ یمنیٰ زیدی پر ہونے والی تنقید کے بعد اداکارہ کا دفاع کرنے سامنے آگئیں اور اداکار وہاج علی اور یمنیٰ زیدی کی جوڑی کو پسندیدہ آن اسکرین جوڑی قرار دے دیا۔

اداکارہ نادیہ جمیل نے مائیکرو بلاگنگ سائٹ ٹوئٹر پر اداکارہ یمنیٰ زیدی کے دفاع میں ٹوئٹس کے انبار لگا دیئے۔

Fantastic chemistry. MashaAllah.
After Fawad ‘ Mahira, Shahnaz Sheikh & Asif Raza Mir, NOW we have Wahaj & Yumna! Electric chemistry. https://t.co/rGxWWwYFnu

— Nadia Jamil (@NJLahori) June 24, 2023

اس حوالے سے ماضی کی ایک ویڈیو بھی ٹوئٹر پر وائرل ہو رہی ہے جس میں اداکارہ نادیہ جمیل کو اداکارہ یمنیٰ زیدی کی تعریفیں کرتے ہوئے سنا جاسکتا ہے۔ ان کے مطابق اداکارہ یمنیٰ زیدی نے ابھی تک اپنے ہنر کو 100 فیصد اسکرین پر پیش نہیں کیا وہ ابھی بہت کچھ کر سکتی ہیں۔

انہوں نے اداکارہ یمنیٰ زیدی کے حوالے سے دعویٰ کیا کہ وہ ایسی اداکارہ ہے جو آسکر جیت کر لاسکتی ہے۔

اس ویڈیو کے بعد ٹوئٹر پر مداحوں کی جانب سے نادیہ جمیل سے یمنیٰ زیدی پر کی جانے والی حالیہ تنقید کے حوالے سے سوالات کیے گئے۔

ایک مداح نے ٹوئٹ پر نادیہ افگن کا حوالہ دیتے ہوئے سوال کیا کہ ’نادیہ افگن سمجھتی ہیں کہ یمنیٰ ایک اوور ریٹڈ اداکارہ ہیں‘، جس پر اداکارہ نادیہ جمیل نے جواب دیا کہ ’یہ نادیہ افگن کی رائے ہے، انہیں اپنی رائے کا اظہار کرنے کا پورا حق ہے، میرے خیال سے یمنیٰ بہت زیادہ تعریف کی مستحق ہے، وہ ایک محنتی، ورسٹائل اداکارہ ہے جو خوبصورت کردار تخلیق کرتی ہیں اور لاکھوں لوگوں کو تفریح فراہم کرتی ہیں، وہ اپنے ہنر پر سخت محنت کرتی ہیں میں بھی ان کا احترام کرتی ہوں۔ ’

Ah. Well thats Nadia Afghans opinion 🤷🏻‍♀️ She has a right 2 it. I think Yumna is brilliant & I think she deserves high praise. Shes a hard working, versatile actor who creates beautiful characters that entertain millions. She works hard on her craft. Its obvious & I respect that https://t.co/8ITJUnrr7l

— Nadia Jamil (@NJLahori) June 24, 2023

انہوں نے مزید کہا کہ یمنیٰ کے پاس کوئی عام ہنر نہیں ہے بلکہ وہ ایک شاندار اداکارہ ہیں، میں اداکاری کو بہت سنجیدگی سے لیتی ہوں، جب میں کسی کو دیکھتی ہوں تو پہنچان جاتی ہوں کہ ایک اچھا اداکار کون ہے’۔

Yumna is not just any ordinary talent. She is a brilliant actor. I take acting v seriously. I know a good actor when i see one. Abhi to she hasn’t even shown the world what she has deep within her. There is so much more to this young woman’s talent. I think she is one of the best https://t.co/2El571XqFK

— Nadia Jamil (@NJLahori) June 24, 2023

نادیہ جمیل نے یمنیٰ زیدی کے حوالے سے بات کرتے ہوئے مزید کہا کہ ’ابھی انہیں خود نہیں معلوم کہ ان کے اندر کون سی صلاحیتیں موجود ہیں، اس نوجوان لڑکی کے اندر بہت زیادہ ہنر ہے، مجھے لگتا ہے کہ وہ بہترین اداکاروں میں سے ایک ہے‘

دوسری جانب اداکار وہاج علی بھی اداکارہ نادیہ جمیل کی رائے سے متفق نظر آئے اور اپنی انسٹا اسٹوری میں ان کی حمایت کی اور یمنیٰ زیدی کے ساتھ کام کے تجربے کو بہترین قرار دیا۔