پاکستان کیلئےGSP+اسکیم کے امکانات واضح ہونے لگے

یورپین یونین کی جانب سے پاکستان کو ترجیحی تجارتی مراعات کی اسکیم GSP+ کو جاری رکھنے کے امکانات واضح ہوتے جا رہے ہیں۔

اس بات کا عندیہ پاکستان میں یورپین یونین کی سفیر ڈاکٹر رینا کیونکا اور یورپین ایکسٹرنل ایکشن سروس میں پاکستان اور افغانستان کیلئے ہیڈ آف ڈویژن ڈیرن ڈیریا نے یورپین دارالحکومت برسلز میں ایک پینل ڈسکشن کے دوران دیا۔

ڈاکٹر رینا کیونکا کی جانب سے جاری کردہ ایک ویڈیو پیغام میں کہا گیا ہے کہ تجارتی ترجیحات کی یہ اسکیم صرف پاکستان کیلئے ہی نہیں بلکہ اس سے فائدہ اٹھانے والے باقی ملکوں کیلئے بھی جاری رہے گی۔

انہوں نے کہا کہ کیونکہ یہ صرف پاکستان میں ہی ایکسپورٹرز اور فیکٹری ورکرز اور دیگر لوگوں کیلئے فائدہ مند نہیں ہے بلکہ اس سے پاکستانی مصنوعات کے یورپین خریداروں اور اینڈ کنزیومرز کو بھی فائدہ ہوگا۔

Good News: EU Ambassador to Pakistan Dr @RKionka explaining the proposed extension in GSP+ status for Pakistan and other eight countries. EU will continue monitoring the human rights especially the freedom of media and labour rights in all the countries enjoying GSP+ status pic.twitter.com/bzdrq7IiM5

— Hamid Mir حامد میر (@HamidMirPAK) July 6, 2023

ڈاکٹر رینا کیونکا کا کہنا ہے کہ اس کیلئے اس اسکیم کے حصول سے جڑی ہوئی شرائط پر عملدرآمد کی مانیٹرنگ جاری رہے گی اور اس سے یورپین پارلیمنٹ اور ممبر ممالک کو مطلع کیا جاتا رہے گا۔

پاکستان میں یورپین یونین کی سفیر رینا کیونکا اور یورپین خارجہ امور برسلز میں ہیڈ آف مشن کے مطابق اس سکیم کی مانیٹرنگ سے متعلق تازہ رپورٹ جلد آنے والی ہے۔