سانحہ 9 مئی سے متعلق مزید تصاویر سامنے آ گئیں، ملزمان نے عسکری اسپتال، ایئر فورس بیس سرگودھا اور عسکری تعلیمی اداروں کو بھی نہ بخشا۔
بیشتر تصاویر زیرِ حراست ملزمان کے موبائل فونز سے فرانزک کے دوران برآمد ہوئی ہیں۔
شرپسندوں کی جانب سے 9 مئی کو پاک امارات اسپتال کی عمارت کو نقصان اورملحقہ اسٹینڈ بائے جنریٹر روم کو آگ لگائی گئی۔
بجلی منقطع ہونے سے ایمرجنسی میں وینٹیلیٹرز اور بچوں کے انکیوبیٹرز بھی بند ہوئے۔
سی ایس ڈی لاہور سے احتجاج کے بہانے لاکھوں روپے کیش بھی لوٹ لیا گیا۔
عسکری تاریخ اور جنگوں میں پاک فوج کا ریکارڈ رکھنے والے ادارے پر دھاوا بول کر ریکارڈ جلا دیا گیا۔
چکدرہ قلعے پر حملے کے بعد پورے قلعے، ریکارڈ اور گاڑیوں کو بھی نذرِ آتش کیا گیا۔
لیفٹیننٹ سجاد عالم شہید کی یادگار پر تصویر کو جلا کر عمران خان چوک لکھ دیا گیا۔
