براڈ کی ریٹائرمنٹ: شاندار کریئر پر بابر، مصباح کی مبارکباد

پاکستان کرکٹ ٹیم کے کپتان بابر اعظم اور پی سی بی کرکٹ کمیٹی کے سربراہ اور سابق کپتان مصباح الحق نے انگلینڈ کے فاسٹ بولر اسٹیورٹ براڈ کی ریٹائرمنٹ پر شاندار کریئر پر مبارکباد دی۔

بابر اعظم نے سماجی رابطے کی ویب سائٹ ٹوئٹر پر ’’ہیپی ریٹائرمنٹ براڈ‘‘ کا پیغام دیا۔

Happy retirement, Broad!

You have truly honoured our game with sheer passion and thriving ability to always go hard at it.

600+ Test Wickets is quite an achievement and Cricket will always remember your services 👏🏻 pic.twitter.com/yey7mjdKn1

— Babar Azam (@babarazam258) July 31, 2023

بابر اعظم کا اپنے پیغام میں کہنا تھا کہ اسٹیورٹ براڈ آپ نے پُرجوش انداز سے کھیل کو اعزاز بخشا، آپ نے ہمیشہ کھیل میں بھرپور صلاحیت کے ساتھ سخت محنت کی۔

انہوں نے کہا کہ کیریئر میں 600 سے زائد وکٹیں حاصل کرنا ایک بڑا کارنامہ ہے، کرکٹ آپ کی خدمات کو ہمیشہ یاد رکھے گی۔

دوسری جانب پی سی بی کرکٹ کمیٹی کے سربراہ اور سابق کپتان مصباح الحق نے بھی اپنے ٹوئٹر پیغام میں انگلینڈ کے فاسٹ بولر اسٹیورٹ براڈ کو شاندار کریئر پر مبارکباد دی۔

Congratulations @StuartBroad8 on such an incredible career and an unforgettable end with the final wicket in a winning cause.Well done both @ECB_cricket and @CricketAus for such an amazing #Ashes2023 https://t.co/fHHI4H9frq

— Misbah Ul Haq (@captainmisbahpk) July 31, 2023

مصباح الحق کا ایشیز سیریز سے متعلق کہنا تھا کہ آخری وکٹ کے ساتھ کامیابی حاصل کرنا ناقابل فراموش ہے۔

انہوں نے کہا کہ شاندار ایشیز سیریز کے لیے انگلینڈ اور آسٹریلیا قابل ستائش ہیں۔