پانی اور بجلی کی عدم فراہمی کے خلاف ڈپٹی میئر کراچی کے گھر کے سامنے احتجاج کیا گیا۔
مشتعل مظاہرین نے نیشنل ہائی وے کے دونوں ٹریک کو ٹریفک کیلئے بند کر دیا۔
سلمان مراد ٹاور اور شاپنگ مال کے سامنے شہریوں نے مین روڈ پر دھرنا دے دیا۔
احتجاج کی وجہ سے ملیر سے قائد آباد آنے اور جانے والا ٹریفک معطل ہوگیا۔
نیشنل ہائی وے پر کئی کلومیٹر تک گاڑیوں کی قطاریں لگ گئیں، احتجاج کی جگہ پولیس موجود ہے۔
ملیر کے کئی علاقوں میں بجلی کی طویل دورانیے کی لوڈ شیڈنگ سے شہری پریشان ہیں جبکہ بجلی کی بندش کی وجہ سے علاقوں میں پانی کی فراہمی بھی معطل ہے۔
