ڈسٹرکٹ جیل اٹک میں اسیر سابق وزیراعظم اور تحریک انصاف کے چیئرمین عمران خان سے انکے وکیل عمیر خان نے ون ٹو ون ملاقات کی جو سپرنٹنڈنٹ کے کمرے میں ایک گھنٹہ تک جاری رہی .
ملاقا ت کے بعد عمیر خان نیازی اور شعیب شاہین نے نعیم حیدر پنجوٹھا،بیرسٹر گوہر علی خان ،سمیر کھوسہ ایڈووکیٹ ،علی اعجاز بٹر ،بیر سٹر مبشر اعوان اور دیگر وکلاء پر مشتمل قانونی ٹیم کے ہمراہ میڈیا سے بات چیت کر تے ہوئے کہاکہ ،چیئرمین پی ٹی آئی کی طبیعت ٹھیک ہےانکی داڑھی بڑھی ہوئی ہےاب شیشہ ملا ہے وہ شیو کرینگے.
کل ایف آئی اے کی ٹیم نے سائفر کی تحقیقات کی ہیں چیئرمین نے سائفر پر اپنا پرانا موقف دہرایا ہے کچھ اہم امور پر وکلاء سے مشاورت کے بعد میڈیا کو آگاہ کیا جا ئیگا،حسان نیازی کے لاپتہ ہونے کے حوالے سے بات ہو ئی جیل میں اسیر اپنے مو کل سے ملاقات ہمارا آ ئینی حق ہے،جیلر کے روئے پر عدالت میں جائینگے ۔
قبل ازیں قانو نی ٹیم ملاقات کیلئے پہنچی تو قا فلہ کو پولیس لائن پکٹ پر روک لیاگیا وکلاء کی مشاورت سے عمیرخان نیازی کی عمران خان سے ملاقات کرائی گئی ہائیکورٹ کے حکم کے باوجود صرف ایک وکیل کو ملنے کی اجازت دی گئی۔
