چین میں ایشیاء کے رواں سال کے سب سے طاقت ور طوفان ’یاگی‘ سے 2 افراد ہلاک ہو گئے۔ بجلی گرنے، شدید بارش اور طوفانی ہواؤں کے سبب مختلف واقعات میں 92 افراد زخمی ہو گئے۔ 145 میل فی گھنٹہ مزید پڑھیں
![](https://akhbaar.pk/wp-content/uploads/2024/09/1388484_219600_cyclone-yagi_updates.webp)
ایمسٹر ڈیم، ہالینڈ: شاید آپ نے مشہور یورپی مصور ریمبراں کا نام سنا ہوگا۔ ان کی ایک شاہکار پینٹنگ کا نام نائٹ واچ ہے جس میں رنگ، روشنی اور صورتحال کا خوبصورت امتزاج پیش کیا گیا ہے۔ اب اس کی انتہائی تفصیلی ڈجیٹل تصویر پیش کی گئی ہے جس کا حجم 717 گیگابائٹ ہے۔
اس طرح کسی بھی یورپی مصور کی بنائی گئی سب سے تفصیلی ڈجیٹل کاپی ہے۔ یہ پینٹنگ ایمسٹرڈم کے مشہور میوزیم میں رکھی ہے جسے دیکھنے کے لیے لوگوں کو تانتا بندھا رہتا ہے۔
1642 میں بنائی گئی اس پینٹنگ میں اس دور کی زندگی دیکھی جاسکتی ہے جس میں شہر کا حاکم بھی نمایاں ہے۔ اس تخلیق کو نائٹ واچ کا نام دیا گیا تھا۔
یہ تصویر 717 گیگا پکسل کی ہے اور اس کے بارے میں دعویٰ کیا جارہا ہے کہ کسی مشہور پینٹر کی یہ سب سے تفصیلی اور وضاحتی ڈجیٹل تصویر بھی ہے۔ اس کے لیے لگ بھگ ایک ایک گوشے 8439 انفرادی تصاویر لی گئی ہے۔ ہر تصویر 100 میگاپکسل کی ہے۔
جب تصویر کے انفرادی ٹکڑے بن گئے تو انہیں کمپیوٹر الگورتھم کی وجہ سے جوڑا گیا جس کے بعد 717 ارب پکسل کا ایک وسیع کینوس بن گیا۔ اس طرح تصویر کے ایک ایک گوشے کو زوم کرکے دیکھا جاسکتا ہے۔ لیکن ماہرین کے مطابق جب شائقین اسے دیکھیں گے تو وہ فنکار کی مہارت کے معترف ہوجائیں گے۔ اس طرح رنگوں کے ٹکڑے اور دیگر تفصیلات خردبینی انداز میں سامنے آتی ہیں۔
ڈجیٹل عکس نگاری کے لیے خصوصی کیمرے اور آلات بنائے گئے ہیں جو اس شاہکار کو مزید تفصیل سے دکھاتے ہیں۔