اسلام آباد میں وکلاء کے ممکنہ احتجاج کے باعث سپریم کورٹ کے باہر سیکیورٹی کے سخت انتظامات کر دیئے گئے۔
سپریم کورٹ کے احاطے میں بھی پولیس کی بھاری نفری تعینات کی گئی ہے۔
سپریم کورٹ جانے کے لیے صرف مارگلہ روڈ کھلا رکھا گیا ہے، ریڈ زون کے داخلی راستے بند ہونے کے باعث کشمیر چوک میں شدید ٹریفک جام ہے۔
سرینا چوک، نادرا، میریٹ، ایکسپریس چوک اور ٹی کراس بری امام بھی بند ہے جبکہ جناح انڈر پاس بھی کنٹینرز رکھ کر بند کر دیا گیا ہے۔
اسلام آباد میں ممکنہ احتجاج کے پیش نظر میٹرو بس سروس کا آپریشن کو بھی محدود کر دیا گیا، میٹرو بس سروس فیض احمد فیض اسٹیشن سے پاک سیکریٹریٹ تک بند ہے۔
میٹرو بس کی انتظامیہ کے مطابق راولپنڈی صدر اسٹیشن سے فیض احمد فیض اسٹیشن تک بس سروس بحال ہے۔
اسلام آباد میں میٹرو بس سروس سیکیورٹی وجوہات کے باعث بند کی گئی ہے،انتظامیہ
