بالی ووڈ کنگ شاہ رخ خان کی برطانوی گلوکار و نغمہ نگار ایڈ شیرن کے ہمراہ ایک دلچسپ ویڈیو سوشل میڈیا پر وائرل ہوئی ہے۔
بھارتی میڈیا پر وائرل اس ویڈیو میں شاہ رخ خان اپنے ملک آئے مہمان گلوکار ایڈ شیرن کو اپنا آئیکونک پوز سکھا رہے ہیں۔
ویڈیو میں دیکھا جا سکتا ہے کہ شاہ رخ خان اپنے آئیکونک انداز میں بانہیں کھول رہے ہیں جبکہ اس دوران ان کے عقب میں کھڑے ایڈ شیرن ان کے نقشِ قدم پر چلتے ہوئے یہ پوز دُہرا رہے ہیں۔
دوسری جانب اس ویڈیو کو ایڈ یا شاہ رخ خان کا کوئی دوست نہیں بلکہ بالی ووڈ نامور ہدایت کارہ فرح خان عکس بند کر رہی تھیں جن کی کیمرے کے پیچھے ہدایت دیتے ہوئے آواز بھی آ رہی ہے۔
یہ ویڈیو ایڈ شیرن کی جانب سے اپنے سوشل میڈیا اکاؤنٹ پر اپ لوڈ کی گئی ہے جس کا سامنے آنا ہی تھا کہ ان کے مداح اسے بے حد پسند کرنے لگے۔
یاد رہے کہ یہ ویڈیو ایڈ شیرن کے 2024ء میں کیے گئے بھارتی دورے کے دوران بنائی گئی تھی۔
ایڈ شیرن آج کل ایک بار پھر بھارتی دورے پر ہیں جس کے سبب یہ ویڈیو ایک بار پھر زیرِ گردش ہے۔
