نیوزی لینڈ کرکٹ ٹیم کے کپتان مچل سینٹنر کا کہنا ہے کہ ہم لکی ہیں کہ ہمارے پاس آل راؤنڈرز ہیں۔
لاہور میں میڈیا سے گفتگو کرتے ہوئے انہوں نے کہا کہ لاہور کی پچ ایک بار پھر اچھی ہے ہم یہاں کھیلے ہوئے ہیں اور تیار ہیں۔
مچل سینٹنر کا کہنا ہے کہ کل ٹریول کے بعد پہنچے اور کھلاڑیوں نے ری کور کیا، ہمیں کل آنے والے چیلنجز کا علم ہے، ہمیں یہاں کھیلنے کا تجربہ ہے۔
نیوزی لینڈ کے کپتان نے کہا کہ بھارت کے خلاف پچ یہاں سے مختلف ہے، ہمارے پاس اسپن آپشنز ہیں، یہاں پیسرز کو بھی مدد ملے گی۔
ان کا یہ بھی کہنا ہے کہ ہمیں پہلے تو فائنل میں پہنچنا ہے، آج سیمی فائنل کا رزلٹ دیکھتے ہیں کیا ہوتا ہے۔
