چین میں ایشیاء کے رواں سال کے سب سے طاقت ور طوفان ’یاگی‘ سے 2 افراد ہلاک ہو گئے۔ بجلی گرنے، شدید بارش اور طوفانی ہواؤں کے سبب مختلف واقعات میں 92 افراد زخمی ہو گئے۔ 145 میل فی گھنٹہ مزید پڑھیں
![](https://akhbaar.pk/wp-content/uploads/2024/09/1388484_219600_cyclone-yagi_updates.webp)
ہیلسنکی: کینڈی کرش اور اینڈی برڈز سے قبل اسنیک ایسا گیم تھا جس کی وجہ سے صارفین موبائل کی اسکرین سے جڑے رہتے تھے۔1997 میں نوکیا 6110 میں شامل کیا جانے والےاس گیم نے بہت تیزی کے ساتھ عالمی سطح پر مقبولیت حاصل کی۔
اس سادہ سے گیم میں سانپ کو اپنی دم اور اسکرین کے کناروں سے ٹکرانے سے بچا کر غذا کے ٹکڑے اکٹھے کرنے ہوتے ہیں۔
اس موبائل گیم نے کال اور میسج کے لیے استعمال کیے جانے والے موبائل کو گیم کونسول میں بدل دیا تھا۔25 ویں سالگرہ کے موقع پر ماہرین سے پوچھا گیا کہ اس گیم میں ایسا کیا تھا کہ یہ آج تک اتنا مقبول ہے۔
اس معاملے میں ویڈیو گیم ڈیویلپر کوالی کے ولیم کاکس کا خیال ہے کہ گیم ہارنے پر جومایوسی ہوتی ہے یہی چیز اس گیم کو اتنا نشہ آور بناتی ہے۔ آپ ہمیشہ اسنیک کے لیے واپس آتے ہیں۔ ہارنے کےبعداحتیاط کے ساتھ کھیلنے کے لیے گیم دوبارہ سے شروع کرتے ہیں۔
انہوں نے کہا کہ اپنا یا اپنے دوست کا ہائی اسکور عبور کرنا انتہائی اطمینان بخش ہوتا ہے۔ گیم کو کنٹرول کرنے میں سادگی اس کو اتنا نشہ آور بناتی ہے۔
انہوں نے کہا کہ انہوں نے اسنیک گیم بہت کھیلا کہ انہوں نے اسکرین بھر کر گیم کو شکست دی۔ یہ گیم گیم انڈسٹری کی تاریخ کا حصہ ہے۔