شہید محترمہ بے نظیر بھٹو کا عکس ان کی سب سے چھوٹی صاحبزادی آصفہ بھٹو زرداری نے والدہ کی 70ویں سالگرہ پر بی بی کی یاد گار تصویر شیئر کرتے ہوئے کہا کہ ان کی میراث ہی ہمیں ایک بار پھر اندھیروں سے نکال سکتی ہے۔
مائیکرو بلاگنگ سائٹ ٹوئٹر پر آصفہ بھٹو زرداری نے فوٹو گرافر زاہد حسین کے کیمرے سے لی گئی یاد گار تصویر کو ری شیئر کردیا۔
شہید بی بی کی یہ تصویر فوٹو گرافر زاہد حسین نے ن لیگی رہنما سیف الرحمان کے احتساب سیل کیس میں پیشی کے بعد 1998 میں لی تھی، تصویر میں بی بی کے چہرے پر کسی قسم کا تناؤ یا بےچینی دکھائی نہیں دے رہی۔
On the 70th birth anniversary of #SMBB, a memorable picture of her which I took in 1998 after her appearance in a case of Saifur Rehman's Accountability Cell set up under PMLN. You can see her face in the picture, which does not show any kind of tension or anxiety. #zahidpix pic.twitter.com/eoXYIs2IOi
— Zahid Hussein (@zahidpix) June 20, 2023
آصفہ بھٹو زرداری نے ایک اور ٹوئٹ کے ذریعے بتایا کہ انہوں نے شہید بھٹو فاؤنڈیشن کے زیر اہتمام منعقدہ سیمینار میں شرکت کی۔
انہوں نے ٹوئٹ میں لکھا کہ اسلام آباد میں اپنی والدہ شہید محترمہ بے نظیر کی جدوجہد کو خراج تحسین پیش کرنے کی خاطر شہید بھٹو فاؤنڈیشن کے زیر اہتمام منعقدہ سیمینار میں شرکت کا اعزاز حاصل ہوا۔
Honoured to have attended the seminar held by the Shaheed Bhutto Foundation @ShaheedBhuttoF1 in Islamabad to honour the life and struggle of my mother. Shaheed Mohatarma Benazir Bhutto led Pakistan through its darkest hours, and her legacy can guide us out of darkness today.… pic.twitter.com/HNoiS7PDsh
— Aseefa B Zardari (@AseefaBZ) June 21, 2023
انہوں نے مزید لکھا کہ شہید محترمہ بے نظیر بھٹو نے پاکستان کو تاریکی سے نکالا تھا اور آج ان کی میراث ہی ہمیں ایک بار پھر اندھیروں سے نکال سکتی ہے‘۔
انہوں نے اس سیمینار کی چند تصاویر بھی ٹوئٹ کی جس میں دیکھا جاسکتا ہے کہ انہوں نے بی بی کی 70ویں سالگرہ کا کیک کاٹا ہے۔
