بنگلادیش کے کپتان نجم الحسین شانتو نے کہا ہے کہ چیمپئنز ٹرافی میں سفر مایوس کن تھا، آج جیت پر فوکس تھا، پاکستان کے کراؤڈ نے اچھا سپورٹ کیا۔
راولپنڈی میں نیوزی لینڈ کے خلاف میچ کے بعد پریس کانفرنس کرتے ہوئے نجم الحسین شانتو کا کہنا تھا کہ بنگلادیش کے بولرز نے اچھی شروعات کی، بطور کپتان خوش ہوں۔
انہوں نے کہا کہ بنگلادیش کے پاس باصلاحیت اسپنرز اور فاسٹ بولرز ہیں، بنگلادیش کو فیلڈنگ اور بیٹنگ میں بہتری لانے کی ضرورت ہے۔
بنگلادیشی کپتان کا کہنا تھا کہ بنگلادیش چیمپئنز ٹرافی کے بعد بیٹنگ میں بہتری لانے کی کوشش کرے گا۔
نجم الحسین شانتو نے کہا کہ بنگلادیش نے میچز جیتنے پر فوکس رکھا، پاکستان کے کراؤڈ نے اچھا سپورٹ کیا۔ امید کرتے ہیں پاکستان کے خلاف میچ میں بھی کراؤڈ سپورٹ کرے گا۔
