بھارتی اداکار ہرش ورھن رانے نے اداکارہ ماورا حسین کو شادی کی مبارکباد دی ہے۔
ماورا حسین نے 2016ء میں بھارتی اداکار ہرش وردھن رانے کے مدِ مقابل فلم ’صنم تیری قسم‘ سے بالی ووڈ میں قدم رکھا تھا۔
2016ء میں ریلیز ہونے والی فلم ’صنم تیری قسم‘ کو 9 سال بعد رواں ماہ 7 فروی کو دوبارہ ریلیز کیا گیا تو اس فلم نے اپنے پرانے تمام ریکارڈز توڑ ڈالے۔
اب حال ہی میں ہرش ورھن رانے نے اپنے ایک انٹرویو کے دوران ماورا حسین کی تعریف کرتے ہوئے کہا کہ ماورا حسین ایک زبردست اسٹار ہیں، وہ جانتی ہیں کہ وہ کیا کام کر رہی ہیں اور جب وہ کوئی کام کرنے کا سوچ لیتی ہیں تو اس کے لیے 100فیصد کوشش کرتی ہیں۔
اُنہوں نے کہا کہ ماورا حیسن کی اداکاری فلم کے ہر سین میں بہت زبردست تھی اور ان کا اچھا کام نظر آ رہا تھا۔
بھارتی اداکار نے ماورا حسین کو شادی کی مبارکباد دیتے ہوئے انکشاف کیا کہ مجھ سے غلطی یہ ہوئی کہ 2016ء میں جب فلم’صنم تیری قسم‘ باکس آفس پر فلاپ ہوگئی تھی تو میں نے ماورا حسین کے ساتھ ساتھ فلم کے پورے عملے سے رابطہ منقطع کر دیا تھا تو اب دوبارہ ریلیز ہونے کے بعد اس فلم کی باکس آفس پر شاندار کامیابی ماورا حسین کے لیے شادی کا تحفہ ہے۔
اُنہوں نے مزید کہا کہ امید کرتا ہوں کہ اب دوبارہ ریلیز پر فلم کی اس شاندار کامیابی سے ان کی خوبصورتی میں اضافہ ہوگا کیونکہ وہ شادی کی تصاویر میں بہت خوبصورت لگ رہی تھیں۔
