سوئٹزرلینڈ کی فضائی کمپنی کے طیارے کے پَر پر ڈانس کرنے والا جہاز کا عملہ اپنی حرکت کے باعث مشکل میں پڑ گیا۔
غیرملکی میڈیا کے مطابق سوئس انٹرنیشنل ایئر لائنز کے کیبن کریو ممبران کے خلاف بوئنگ 777 طیارے کے اوپر رقص کرنے اور تصاویر کھینچنے کے بعد مالکان کی جانب سے تحقیقات شروع کردی گئی ہیں۔
رپورٹس کے مطابق کیبن کریو ممبران کی اس حرکت کی ویڈیو ایئرپورٹ پر انتظار کرتے ایک مسافر نے ریکارڈ کی تھی۔
Moment air hostesses for #Swiss International Air Lines are caught on camera posing for selfies as they dance on wing of Boeing 777 in #BuenosAires, #Argentina pic.twitter.com/9lCwCrjVRA
— Hans Solo (@thandojo) August 27, 2023
غیرملکی میڈیا کے مطابق یہ ویڈیو اسی ماہ ریکارڈ کی گئی ہے جس کے بعد ایئر لائن کی منیجمنٹ نے اس پر شدید غصے کا اظہار بھی کیا ہے۔
اس معاملے پر ایئرلائن کی جانب سے کہا گیا ہے کہ اس طرح کی حرکت بالکل بھی برداشت نہیں کی جائے گی اور یہ ویڈیو بہت خطرناک ہے۔
