طلاق سب سے بڑی غلطی، جس کا انتہائی زیادہ پچھتاوا ہے: بل گیٹس

ٹیکنالوجی کمپنی مائیکروسافٹ کے شریک بانی بل گیٹس نےاپنی سابقہ اہلیہ میلنڈا سے طلاق کے حوالے سےانکشاف کیا وہ غلطی تھی جس کاانہیں سب سے زیادہ افسوس ہے۔

انہوں نے کہا کہ طلاق سب سے بڑی غلطی تھی، جس کا انتہائی زیادہ پچھتاوا ہے، زندگی میں واحد ناکامی طلاق ، والد کے مقابلے بچوں کیساتھ زیادہ وقت گزارا، میلنڈا زیادہ تر کام کرتی تھی۔

ملینڈا کا کہنا تھا کہ طلاق’مشکل اور تکلیف دہ‘ تھی، کووڈ کے دوران الگ ہوگئے تھے، طلاق کے فیصلے سے پہلے علیحدگی اختیار کر لی تھی۔

دی ٹائمز آف لندن کے ساتھ ایک انٹرویو میں، 69سالہ مائیکروسافٹ کے سابق ایگزیکٹو، نے اپنی 27 سالہ شادی جو 2021 میں طلاق پر ختم ہوئی، کے بارے انکشاف کیا کہ ان کی زندگی کے سب سے بڑے مقاصد میں سے ایک خود کو والدین کی 45 سالہ شادی جیسی گزارنا تھی۔

بل گیٹس نے کہا کہ میں نے اپنے والد کے مقابلے میں بچوں کے ساتھ زیادہ وقت گزارا، میلنڈا بچوں کے لیے زیادہ تر کام کرتی تھی۔ ہمارا وقت بہت اچھا گزرا۔

اپنی طلاق کے بارے میں کھل کر بات کرتے ہوئے کہا کہ وہ ایک غلطی جس کا انہیں سب سے زیادہ پچھتاوا ہے، ان کا کہنا ہے کہ پوری بالغ زندگی ایک شخص کے ساتھ گزارنے میں ایک خاص حیرت ہے خاص طور پر جب آپ بچوں کو ایک ساتھ بانٹتے ہیں، ساتھ ہی اچھی یادیں اور مشترکہ منصوبے بھی۔ جب میلنڈا اور میری طلاق ہوئی تو یہ مشکل تھا، پھر اس نے فاؤنڈیشن چھوڑنے کا فیصلہ کیا – مجھے مایوسی ہوئی کہ اس نے جانے کا آپشن لیا۔

ان سے جب پوچھا گیا کہ کیا طلاق ان کی زندگی میں واحد ناکامی تھی؟، تو بل نے بتایا کہ اسے فہرست میں سب سے اوپر رکھنا پڑے گا اور بھی ہیں لیکن ان سے کوئی فرق نہیں پڑتا۔ طلاق کی بات میرے اور میلنڈا کے لیے کم از کم 2 سال تک افسوسناک رہی۔ وہ ان کی علیحدگی کے بعد تقریباً ان 4 سالوں میں زیادہ خوش مزاج ہو گئے ہیں، لیکن پھر بھی وہ سمجھتے ہیں کہ غلطی کا مجھے سب سے زیادہ افسوس ہے۔ میلنڈا اور میں اب بھی ایک دوسرے کو دیکھتے ہیں – ہمارے 3 بچے اور 2 پوتے ہیں، اس لیے خاندانی تقریبات ہوتی ہیں، بچے اچھی کارکردگی کا مظاہرہ کر رہے ہیں۔ ان کی اچھی اقدار ہیں۔

میلنڈا بھی اس سے قبل اپنی علیحدگی پربات کرچکی ہیں کہ ان کی طلاق’مشکل‘ اور’تکلیف دہ‘ تھی۔

میلنڈا نے یہ بھی انکشاف کیا کہ کووڈ کے دوران الگ ہوگئے تھے ۔ طلاق کے بارے میں مکمل فیصلہ کرنے سے پہلے میں نے علیحدگی اختیار کر لی تھی۔

بل گیٹس برسوں تک دنیا کے 10 امیر ترین افراد کی فہرست میں رہے۔فوربز میگزین کا دنیا کی امیر ترین شخصیت کا ٹائٹل 1995 سے 2010 تک اور پھر 2013 سے 2017 تک بل گیٹس کے پاس رہا تھا۔

سابق جوڑے کی پہلی ملاقات 1987 میں ہوئی، جب میلنڈا مائیکروسافٹ میں پروڈکٹ مینیجر بنی، اور آخرکار انہوں نے 1994 میں ہوائی میں شادی کی۔ جوڑے نے 2000 میں غربت اور بیماری سے نمٹنے کے لیےبل اینڈ میلنڈا گیٹس فاؤنڈیشن کی بنیاد رکھی۔ راہیں جدا ہونے کے بعد60 سالہ میلنڈا نے مئی 2024 میں فاؤنڈیشن سے استعفیٰ دے دیا۔