چین میں ایشیاء کے رواں سال کے سب سے طاقت ور طوفان ’یاگی‘ سے 2 افراد ہلاک ہو گئے۔ بجلی گرنے، شدید بارش اور طوفانی ہواؤں کے سبب مختلف واقعات میں 92 افراد زخمی ہو گئے۔ 145 میل فی گھنٹہ مزید پڑھیں
![](https://akhbaar.pk/wp-content/uploads/2024/09/1388484_219600_cyclone-yagi_updates.webp)
شعبہ طب سے تعلق رکھنے والی کپوتاخی چنچلا نے ماڈلنگ میں قدم رکھ کر ’مس پاکستان یونیورسل2023ء‘ کا تاج اپنے سر پر سجا لیا ہے۔
گزشتہ ماہ کی 31 تاریخ کو ’مس پاکستان یونیورسل 2023ء‘ کی تاج پوشی کے لیے شاندا تقریب کا انعقاد لاہور کے نجی ہوٹل میں ہوا جہاں کراچی سے تعلق رکھنے والی ڈاکٹر و ماڈل کپوتاخی چنچلا نے ’مس پاکستان یونیورسل 2023ء‘ کا ٹائٹل اپنے نام کر لیا۔
اس تقریب میں تفریحی صنعت سے وابستہ افراد سمیت دیگر شعبوں سے تعلق رکھنے والے معززین نے بھی شرکت کی۔
’مس پاکستان یونیورسل‘ کپوتاخی چنچلا نے طب کی باقاعدہ تعلیم کا آغاز خان یونیورسٹی اور لیاقت نیشنل اسپتال سے حاصل کی ہے جبکہ آج کل وہ کراچی کے لیاقت نیشنل اسپتال میں ہی اپنی خدمات انجام دے رہی ہیں۔
تقریب کے دوران ’مس پاکستان یونیورسل‘ کا اپنی ذات سے متعلق بات کرتے ہوئے کہنا تھا کہ وہ مسلم گھرانے میں پیدا ہوئیں اور پلی بڑھیں، اپنی والدہ کے انتقال کے بعد وہ اپنے والد کے ساتھ کراچی میں مقیم رہیں جبکہ اُن کے تمام رشتہ دار بیرون ملک رہتے ہیں۔
کپوتاخی چنچلا کا بتانا تھا کہ اُن کا تعلق کراچی کے ایک محبت کرنے والے گھرانے سے ہے، اُن کے والد شعبے کے لحاظ سے صحافی، فطرت کے اعتبار سے شاعر اور ناول نگار تھے۔
’مس پاکستان یونیورسل‘ نے اپنے منفرد نام سے متعلق بات کرتے ہوئے بتایا کہ ’کپوت‘ کا مطلب ہے کبوتر، ’آکھی‘ کا مطلب ہے آنکھیں اور چنچلا کا مطلب ہے فعال، شرارتی یا چنچل۔
انہوں نے مزید کہا کہ میرا نام میرے والد کی تخلیقی صلاحیت تھی، انہوں نے اس نام کو بنایا اور مجھے یہ نام دے دیا۔
ایک سوال کے جواب میں اُن کا کہنا تھا کہ انٹرٹینمنٹ انڈسٹری میں قدم رکھنے کے باوجود میرا ہدف مستقبل میں نیورو سرجن بننا ہے۔