کوئٹہ کے حلقے این اے 262 سے کامیاب آزاد امیدوار عادل بازئی نے کہا ہے کہ میں پی ٹی آئی کا کارکن تھا اور رہوں گا۔
واضح رہے کہ گزشتہ روز اعظم سواتی نے انکشاف کرتے ہوئے کہا تھا کہ پاکستان تحریک انصاف کے حمایتی کامیاب آزاد امیدوار ملک عادل خان بازئی کو گرفتار کر لیا گیا ہے۔
تاہم اب ایک ویڈیو بیان میں عادل خان بازئی نے کہا کہ مجھے نہ کسی نے اغواء کیا اور نہ ہی مجھ پر کوئی دباؤ ہے۔
میری والدہ بیمار ہیں میں نے اپنا فون اس لیے بند کیا ہوا ہے میری اس لیے کسی سے بات نہیں ہو رہی مجھے کسی نے نہیں اٹھایا پاک فوج زندہ باد عمران خان پائندہ باد۔
عادل خان بازئی ایم این اے پی ٹی آئی این اے 262 کا ویڈیو بیان سامنے آ گیا pic.twitter.com/AliLfm1JJo
— Ahmad Hassan Bobak (@ahmad_bobak) February 13, 2024
عادل خان بازئی کا کہنا ہے کہ والدہ کی بیماری کی وجہ سے فون بند رکھا تھا، فون بند ہونے کی وجہ سے میرے متعلق غلط فہمی پیدا ہوئی۔
