وفاقی وزیر اطلاعات عطااللہ تارڑ نےکہا ہےکہ بھارتی میڈیا چیمپئنز ٹرافی سے متعلق جھوٹا بے بنیاد اور من گھڑت پروپیگنڈا کر رہا ہے۔
ایک بیان میں عطااللہ تارڑ نےکہا کہ یہ سب بھارتی کرکٹ بورڈ کی ایما پر کیا جا رہا ہے جسے پاکستان میں آئی سی سی ایونٹ کا کامیابی سے انعقاد ہضم نہیں ہو رہا۔
عطااللہ تارڑ نےکہا کہ بھارتی بورڈ کے زیرسایہ بھارتی میڈیا کا پاکستان کے خلاف پروپیگنڈا مسترد کرتے ہیں، پاکستان میں اسپورٹس کو سبوتاژ کرنا بھارت کی مذموم کوشش ہے۔
ان کا کہنا ہے کہ پاکستان کےمیدانوں میں کرکٹ کا ہونا دنیا بھر کے لوگوں کی جیت ہے، جس کا ایک بڑا ثبوت یہاں پر آسٹریلیا اور انگلینڈ کے میچ میں عوام کا بھرپور جوش و خروش ہے۔
وزیر اطلاعات نےکہا کہ چیمپئنز ٹرافی سے متعلق بھارتی میڈیا میں چلنے والے تھریٹ الرٹ جعلی اور بے بنیاد ہیں ، پاکستان انہیں مسترد کرتا ہے۔
