اسرائیلی کھلاڑی سے ہاتھ ملانے پر ایران نے اپنے ویٹ لفٹر پر ہر قسم کے کھیلوں کے لیے تاحیات پابندی لگادی۔
غیرملکی میڈیا کے مطابق اس واقعے پر کھیلوں کی کمیٹی کو بھی ختم کردیا گیا ہے۔
غیرملکی میڈیا کے مطابق تجربہ کار ویٹ لفٹر مصطفیٰ راجائی پولینڈ میں ہونے والی ورلڈ ماسٹر ویٹ لفٹنگ چیمپئن شپ کی کیٹیگری میں دوسرے نمبر پر رہے تھے جہاں ہفتے کو پوڈیم پر انہوں نے ایرانی پرچم بھی اپنے جسم پر لپیٹا ہوا تھا۔
غیرملکی میڈیا کے مطابق اس موقع پر پوڈیم پر تیسری پوزیشن حاصل کرنے والا اسرائیلی کھلاڑی بھی کھڑا تھا۔
Iranian weightlifter Mostafa Rajaei has been banned for life by the mullah terror entity 🇮🇷. Why? Because he shook hands with Israeli 🇮🇱 weightlifter Maksim Svirsky at sports competition in Poland. pic.twitter.com/mQmFRbunrg
— Avi Kaner ابراهيم אבי (@AviKaner) August 30, 2023
رپورٹس کے مطابق اس دوران دونوں کھلاڑیوں نے مصافحہ کیا اور ایک ساتھ تصویر کھنچوائی جس کی وجہ سے ایران کی ویٹ لفٹنگ فیڈریشن نے راجائی پر تاحیات پابندی عائد کردی اور ان کے عمل کو ناقابل معافی جرم قرار دیا۔
غیرملکی میڈیا کے مطابق کئی ایرانی کھلاڑی متعدد مقابلوں میں اسرائیلیوں کا سامنا کرنے سے انکار کر چکے ہیں۔
غیرملکی میڈیا کے مطابق ایران اسرائیل کو ایک ملک کے طور پر تسلیم نہیں کرتا اور ایرانی اور اسرائیلی کھلاڑیوں کے درمیان کسی بھی قسم کے رابطے سے سختی سے منع کرتا ہے۔
