سابق کپتان محمد حفیظ نے پاکستان ٹیم کی خراب پرفارمنس کے حقائق کا انکشاف کرنے کا اعلان کردیا۔
سوشل میڈیا پر جاری بیان میں محمد حفیظ نے کہا ہے کہ مجھے جو وقت دیا گیا اس دوران میں ہر چیز کی ذمے داری لیتا ہوں، میں خراب پرفارمنس کی وجوہات اور امیچور نان کرکٹنگ حقائق سامنے لاؤں گا۔
I always Prioritise and represented Pakistan with dignity and Pride. I accepted the new role as a Director pcb with great passion to make positive reforms but Unfortunately my designated tenure which was offered by @TheRealPCB for 4 years was cut short for 2 mnths on the account…
— Mohammad Hafeez (@MHafeez22) February 16, 2024
محمد حفیظ کا کہنا ہے کہ میں نے ہمیشہ پاکستان کو ترجیح دی اور پاکستان کی نمائندگی کو فخر سمجھا۔
انہوں نے کہا کہ مثبت ریفارمز کے لیے پاکستان ٹیم ڈائریکٹر کا عہدہ قبول کیا، مجھے پی سی بی نے 4 سال تک کا عہدہ پیشکش کیا تھا تاہم نئے چیئرمین کے ساتھ ہی اسے 2 ماہ تک محدود کردیا گیا۔
اپنے پیغام میں محمد حفیظ نے کہا کہ پاکستان کرکٹ کے لیے نیک خواہشات ہیں ۔
واضح رہے کہ محمد حفیظ ٹیم ڈائریکٹر کے عہدے پر فائز تھے تاہم ان کے کنٹریکٹ میں توسیع نہیں کی گئی تھی۔
