جوڈیشل کمپلیکس کی تعمیر کے لیے مری کی جھیکا گلی میں قائم 100 سال سے زائد پرانے سکول کو گرانے کےاحکامات جاری کر دیے گئے۔
ذرائع نے بتایا ہے کہ سکول کی زمین پر جوڈیشل کمپلیکس بنے گا، اس ضمن میں پنجاب حکومت نے احکامات جاری کر دیے ہیں۔
ذرائع کا کہنا ہے کہ چیف جسٹس لاہور ہائی کورٹ نے حکم دیا تھا کہ 7 دن میں اسکول کی زمین عدلیہ کو منتقل کی جائے۔
ذرائع کا کہنا ہے کہ چیف جسٹس لاہور ہائی کورٹ نے اس حوالے سے صوبائی حکومت کو کچھ عرصہ قبل ہدایت دی تھی۔
ذرائع کا مزید کہنا ہے کہ پنجاب حکومت نے بلا چوں چراں چیف جسٹس کے احکامات پر عمل درآمد شروع کر دیا ہے۔
ذرائع کا یہ بھی کہنا ہے کہ ایم سی ہائی سکول جھیکا گلی مری میں اس وقت 200 سے 250 طالب علم زیرِ تعلیم ہیں۔
