پاکستان ایمبیسی تاشقند کی جانب سےپاکستانی گولڈ میڈلسٹ نوح دستگیر بٹ کے اعزاز میں تقریب کا انعقاد

پاکستان ایمبیسی تاشقند کی جانب سے گزشتہ روز کامن ویلتھ گیمز کے پاکستانی گولڈ میڈلسٹ نوح دستگیر بٹ کے اعزاز میں تقریب کا انعقاد ۔ واضح رہے کہ نوح دستگیر بٹ نے تاشقند ازبکستان میں ایشین پاور لفٹنگ میں چار سو کلو گرام وزن اٹھا کر اسکواٹ میں نیا ایشین ریکارڈ قائم کیا ہے ۔

انہوں نے 120پلس کے جی میں پہلا گولڈ میڈل بھی جیتا ہے ۔ پاکستان ایمبیسی تاشقند نے پاکستانی ہیرو کے اعزاز میں ایک پروقار تقریب کا انعقاد کیا جس میں پاکستان کمیونٹی کی کثیر تعداد نے شرکت کی ۔

پاکستانی سفارتخانے کے کونسلر ثاقب علی نے معزز مہمانوں کو خوش آمدید کہا جبکہ ازبکستان میں پاکستانی سفیر احمد فاروق نے نوح دستگیر بٹ کو پاکستانی سفارتخانے کی جانب سے شیلڈ پیش کی اور مبارکباد دی ۔

تقریب سے خطاب کرتے ہوئے نوح دستگیر بٹ نے کہا کہ آج جو کچھ بھی ہوں والدین کی دعاؤں کی وجہ سے ہوں ۔نوح دستگیر نے کہا میں اس شاندار کامیابی پر اللہ کا شکر ادا کرتا ہوں پاکستانی عوام کو مبارکباد پیش کرتا ہوں ۔

احمد فاروق نے تقریب کے شرکاء سے خطاب کرتے ہوئے کہا کہ نوح دستگیر پاکستان کا سر فخر سے بلند کر دیا ہے ۔

پاکستان کو ایسے ہونہار نوجوانوں کی ضرورت ہے جو بین الاقوامی سطح پر پاکستان کا نام روشن کریں ۔

کونسلر ثاقب علی نے کہا نوح دستگیر نے نئی تاریخ رقم کر دی ہے ۔ہم نوح دستگیر بٹ اور ان کی ٹیم کو شاندار اور تاریخی کامیابی پر مبارکباد پیش کرتے ہیں ۔