مراد سعید کے گھر پر پولیس کا چھاپہ

پی ٹی آئی رہنما مراد سعید کے اسلام آباد میں موجود گھر پر پولیس اور ایلیٹ فورس کی جانب سے چھاپہ مارا گیا جس کی ویڈیو بھی منظر عام پر آگئی ۔

سماجی رابطے کی ویب سائٹ ٹوئٹر پر مراد سعید کے اکاؤنٹ سے جاری کردہ سی سی ٹی وی فوٹیج میں پولیس کو ان کے گھر پر چھاپہ مارتے ہوئے دیکھا جاسکتا ہے۔ پولیس اہلکار دروازہ پھلانگ کر گھر میں داخل ہوتے ہیں۔

سی سی ٹی فوٹیج میں دیکھا جاسکتا ہے کہ پولیس اہلکار گھر میں داخل ہونے کے کچھ ہی دیر بعد واپس روانہ ہوجاتے ہیں۔ ذرائع کے مطابق مراد سعید چھاپے کے وقت گھر میں موجود نہیں تھے۔

امن کی بات کی ہے صاحب۔ خطاوار ہوں اپنے لوگوں کو کسی کی آگ میں جھونکنے نہیں دینا چاہتا۔
مسلح دھاوا تو بنتا ہے!
مجھ ہی پر تو تمہارا بندوق تاننا بنتا ہے۔
ملک کی حمیت پر سودے بازی نہیں کی، قوم کی غیرت کو گروی نہیں رکھا۔ ہماری چادر چاردیواری روندنا تو بنتا ہے۔ pic.twitter.com/JVvRuWGwR8

— Murad Saeed (@MuradSaeedPTI) May 20, 2023

اس حوالے سے ٹویٹ کرتے ہوئے مراد سعید نے لکھا کہ “میں نے امن کی بات کی ہے، خطاوار ہوں اپنے لوگوں کو کسی کی آگ میں جھونکنے نہیں دینا چاہتا۔ مسلح دھاوا تو بنتا ہے”۔

پی ٹی آئی رہنما نے مزید لکھا کہ “مجھ ہی پر تو تمہارا بندوق تاننا بنتا ہے۔ ملک کی حمیت پر سودے بازی نہیں کی، قوم کی غیرت کو گروی نہیں رکھا۔ ہماری چادر چار دیواری روندنا تو بنتا ہے”۔