پیرس: وزیراعظم شہباز شریف کی سعودی ولی عہد شہزادہ محمد بن سلمان سے ملاقات ہوئی ہے۔
وزیراعظم شہبازشریف اور سعودی ولی عہد محمد بن سلمان کے درمیان ملاقات نئے عالمی مالیاتی معاہدے سے متعلق سربراہی اجلاس کے موقع پر ہوئی جس میں باہمی دلچسپی امور پر تبادلہ خیال کیا گیا۔
اس موقع پر وزیراعظم شہباز شریف نے سعودی فرمانروا شاہ سلمان بن عبد العزیز کے لیے نیک تمناؤں کا اظہار کیا جب کہ شہزادہ محمد بن سلمان نے بھی پاکستان کی حکومت اور عوام کے لیےخیرسگالی کےجذبات کا اظہار کیا۔
دونوں رہنماؤں کی ملاقات میں دوطرفہ تعاون کے فروغ کے لیے اشتراک عمل مزید بڑھانے پر اتفاق کیا ہے۔
وزیراعظم کی ایم ڈی آئی ایم ایف سے ملاقات
اس سے قبل وزیراعظم شہبازشریف اور آئی ایم ایف کی ایم ڈی کے درمیان ملاقات فرانس میں مالیاتی کانفرنس کے دوران سائیڈ لائن پر ہوئی جس میں پاکستان کے لیے جاری آئی ایم ایف پروگرام پر تبادلہ خیال کیا گیا جب کہ اس دوران پاکستان اور آئی ایم ایف کے درمیان تعاون پربھی بات چیت کی گئی۔
On the sidelines of the Summit for a New Global Financial Pact being held in Paris, France, PM Shahbaz Sharif met Ms. Kristalina Georgieva, MD of the International Monetary Fund (IMF). Views were exchanged on the ongoing programmes and cooperation between Pakistan and IMF. pic.twitter.com/05rKbNVpi8
— Prime Minister's Office (@PakPMO) June 22, 2023
