پاکستان کرکٹ ٹیم کے سابق کپتان راشد لطیف نے وائٹ بال کرکٹرز کے لیے بھی پنشن کا مطالبہ کردیا۔
سوشل میڈیا پر اس حوالے سے راشد لطیف نے لکھا کہ پاکستان کرکٹ بورڈ کو وائٹ بال کرکٹرز کے لیے پنشن کی اسکیم تیار کرنی چاہیے، کرکٹرز کو پنشن کی سہولت سے دور رکھنا نا انصافی ہے۔
پاکستان کرکٹ بورڈ کو وائیٹ بال والے کھلاڑیوں کے لیئےبھی پینشن کی اسکیم تیار کرنا چاہیے ، کچھ ایسے کھلاڑی ہیں جو صرف سفید گیند والی کرکٹ کھیلتے ہیں تو انکو اس سہولت سے دور رکھنا بہت نا انصافی ہو گی ۔ اور ۶۰ سال والی عمر کو کم کر کے ۵۰ سال کیا جائے یا کرکٹ چھوڑنے کے دو سے تین سال… pic.twitter.com/awCZbd5h4X
— Rashid Latif | 🇵🇰 (@iRashidLatif68) August 4, 2023
راشد لطیف نے لکھا کہ کچھ کرکٹرز صرف وائٹ بال کرکٹ ہی کھیلتے ہیں۔ پنشن کے لیے 60 سال کی عمر کو کم کر کے 50 سال کیا جائے اور پنشن تو کرکٹ چھوڑنے کے دو تین سال بعد شروع ہو جانی چاہیے۔
واضح رہے کہ پی سی بی اس وقت سابق ٹیسٹ کرکٹرز کو پنشن کی سہولت دیتا ہے۔
