سعودی عرب میں گارڈز عازمینِ حج کی حفاظت اور ان کی مدد کرنے میں مصروف ہیں۔
اسی حوالے سے ایک ویڈیو سوشل میڈیا پر وائرل ہو رہی ہے جس کی لوگ خوب تعریف کر رہے ہیں۔
ویڈیو میں دیکھا جا سکتا ہے کہ ایک سعودی سیکیورٹی اہلکار نے نابینا خاتون کو طواف کرانے میں مدد کی۔
نابینا خاتون نے سیکیورٹی اہلکار کو پکڑ کر طوافِ کعبہ کیا۔
رجل أمن يساعد امرأة كفيفة في الطواف حول الكعبة 🥹❤️ pic.twitter.com/xtmkn8vzPB
— ابراهيم الحربي LFC 🇸🇦 (@i8dooos) June 26, 2023
عرب میڈیا کے مطابق سوشل میڈیا کے مختلف پلیٹ فارمز پر شیئر کی گئی اس ویڈیو نے پوری دنیا میں دیکھنے والوں کو متاثر کیا اور لوگ اس سیکیورٹی گارڈ کو خوب داد دے رہے ہیں۔
سوشل میڈیا پر صارفین کا کہنا ہے کہ سکیورٹی اہلکار اللّٰہ کے گھر آنے والوں کی بہترین خدمت کر کے شاندار مثالیں قائم کر رہے ہیں۔
