مسلم لیگ ن اور متحدہ قومی موومنٹ (ایم کیو ایم) پاکستان نے آئندہ الیکشن مل کر لڑنے کا اعلان کر دیا۔
مسلم لیگ ن کے صدر، میاں محمد شہباز شر یف کی دعوت پر خالد مقبول صدیقی کی سربراہی میں ایم کیو ایم کے وفد نے لاہور میں سابق وزیرِ اعظم نواز شریف سے ملاقات کی ہے۔
ایم کیو ایم کے ذرائع کے مطابق ایم کیو ایم پاکستان اور ن لیگ کے درمیان لاہور میں ہونے والی ایک گھنٹے سے زائد طویل ملاقات میں عام انتخابات، انتخابی اتحاد اور موجودہ سیاسی صورتِ حال پر گفتگو ہوئی۔
ایم کیو ایم کے وفد میں خالد مقبول صدیقی، سینئر ڈپٹی کنوینر مصطفیٰ کمال اور ڈاکٹر فاروق ستار شامل تھے۔
متحدہ قومی موومنٹ پاکستان (ایم کیو ایم) کا وفد پاکستان مسلم لیگ (ن) کے مرکزی سیکرٹیریٹ پہنچ گیا
ایم کیو ایم کا وفد پاکستان مسلم لیگ (ن) کے قائد محمد نواز شریف سے ملاقات کرے گا
سابق وزیراعظم اور پاکستان مسلم لیگ (ن) کے صدر شہباز شریف نے وفد کا استقبال کیا
سابق سپیکر قومی… pic.twitter.com/tIT25776f9
— PMLN (@pmln_org) November 7, 2023
دوسری جانب ایم کیو ایم کے وفد سے ملاقات کے دوران مسلم لیگ ن کے صدر شہباز شریف، قائد نواز شریف، چیف آرگنائزر مریم نواز شریف، مریم اورنگزیب، رانا ثناء اللّٰہ، خواجہ سعد رفیق اور پرویز رشید بھی دیگر پارٹی رہنماؤں کے ہمراہ موجود تھے۔
قائد پاکستان مسلم لیگ ن نواز شریف پارٹی سیکریٹریٹ پہنچ گئے۔ صدر مسلم لیگ ن شہباز شریف نے استقبال کیا۔ pic.twitter.com/4xlGn7ltF9
— PMLN (@pmln_org) November 7, 2023
پاکستان مسلم لیگ ن اور ایم کیو ایم کا مشترکہ اعلامیہ
اہم ملاقات کے بعد مسلم لیگ ن اور ایم کیو ایم پاکستان کی جانب سے مشترکہ اعلامیہ جاری کیا گیا ہے۔
پاکستان مسلم لیگ (ن) اور ایم کیوایم کا مشترکہ اعلامیہ
لاہور:7 نومبر
متحدہ قومی موومنٹ پاکستان (ایم۔ کیو۔ایم) کے وفد نے ڈاکٹر خالد مقبول صدیقی کی قیادت میں ، جس میں ڈاکٹر فاروق ستار اور مصطفی کمال شامل تھے، نے پاکستان مسلم لیگ (ن) کے قائد محمد نوازشریف اور صدر پاکستان مسلم لیگ… pic.twitter.com/38wTv7WaeC
— PMLN (@pmln_org) November 7, 2023
اعلامیے کے مطابق دونوں جماعتوں نے عوام کو مسائل سے نکالنے، پاکستان کو ترقی کی راہ پر دوبارہ گامزن کرنے کے لیے مشترکہ حکمتِ عملی پر اتفاق کیا ہے۔
اعلامیے کے مطابق ملاقات کے دوران دونوں جماعتوں نے 6 رکنی کمیٹی قائم کرنے کا بھی فیصلہ کیا ہے، کمیٹی سندھ بالخصوص شہری علاقوں کے مسائل کے حل کے لیے جامع چارٹر تیار کرے گی۔
