اسلام آباد ہائی کورٹ نے توشہ خانہ کیس قابلِ سماعت قرار دینے کے عدالتی فیصلے کے خلاف درخواست پر ابتدائی سماعت مکمل کرتے ہوئے فیصلہ محفوظ کر لیا۔
اسلام آباد ہائی کورٹ کے چیف جسٹس عامر فاروق نے درخواست کے قابلِ سماعت ہونے پر فیصلہ محفوظ کیا۔
دورانِ سماعت چیف جسٹس عامر فاروق نے سوال کیا کہ ٹرائل کورٹ میں آئندہ سماعت کب ہوگی؟
وکیل خواجہ حارث نے جواب دیا کہ ٹرائل کورٹ میں کیس کل سماعت کے لیے مقرر ہے۔
انہوں نے عدالت کو مزید بتایا کہ ہائی کورٹ کیس دوبارہ ٹرائل کورٹ بھیجے تو دوسری عدالت کو بھیجتی ہے۔
خواجہ حارث نے یہ بھی بتایا کہ ایک جج جو اپنا مائنڈ واضح کر چکا ہو اسے دوبارہ کیس نہیں بھیجا جاتا۔
