جعلی اکاؤنٹ نے ابو کی جان کو خطرہ میں ڈال دیا، بلال مقصود کاخدشہ

پاکستان کے معروف لکھاری، دانشور اور مزاح نگار انور مقصود کے بیٹے و مایاناز گلوکار بلال مقصود نے والد کی زندگی خطرے میں ہونے کا خدشہ ظاہر کیا ہے۔

مائیکرو بلاگنگ سائٹ ٹوئٹر پر گلوکار نے چند اسکرین شاٹ شیئر کیے جن میں سے ایک ان کے والد انور مقصود کے جعلی اکاؤنٹ کا تھا جس سے اشتعال انگیز ٹوئٹ کیا گیا تھا اور دوسرا مذکورہ اکاؤنٹ کی جانب سے گلوکار کو بلاک کرنے کے حوالے سے تھا۔

بلال مقصود نے مذکورہ ٹوئٹ کرتے ہوئے لکھا کہ اس قسم کی جعلی ٹوئٹس نے میرے ابو کی جان کو خطرے میں ڈال دیا ہے۔

These kinds of fake tweets only put my Abbu’s life in danger. This guy has already blocked me. Please can you all report this account. Abbu does not post anything on social media. His actual account has only 3 posts. We made that account so we can report all the fake ones. pic.twitter.com/BP5G749sEy

— Bilal Maqsood (@bilalxmaqsood) July 19, 2023

انہوں نے انور مقصود کے نام سے چلائے جانے والے جعلی اکاؤنٹ کے حوالے سے مزید لکھا کہ اس آدمی نے مجھے پہلے ہی بلاک کر دیا ہے۔ براہ کرم آپ سب اس اکاؤنٹ کو رپورٹ کریں۔

انہوں نے ایک بار پھر بتایا کہ ابو سوشل میڈیا پر کچھ بھی پوسٹ نہیں کرتے۔ ان کے اصل اکاؤنٹ میں صرف 3 پوسٹس ہیں۔ ہم نے وہ اکاؤنٹ بنایا ہے تاکہ ہم تمام جعلی اکاؤنٹس کی اطلاع دے سکیں۔

خیال رہے کہ بلال مقصود انور مقصود کے نام سے منسوب اس جعلی ٹوئٹر اکاؤنٹ کی حقیقت سے آگاہ کرچکے ہیں۔