چین میں ایشیاء کے رواں سال کے سب سے طاقت ور طوفان ’یاگی‘ سے 2 افراد ہلاک ہو گئے۔ بجلی گرنے، شدید بارش اور طوفانی ہواؤں کے سبب مختلف واقعات میں 92 افراد زخمی ہو گئے۔ 145 میل فی گھنٹہ مزید پڑھیں
![](https://akhbaar.pk/wp-content/uploads/2024/09/1388484_219600_cyclone-yagi_updates.webp)
وفاقی وزیر تعلیم و پیشہ ورانہ تربیت رانا تنویر حسین نے کہاہے کہ حکومت ملک میں اعلی و معیاری تعلیم کے فروغ کے لیے کوشاں ہے، پاکستانی طالب علم بہت با صلاحیت اور ہونہار ہیں ۔ ان خیالات کا اظہاروفاقی وزیر تعلیم و پیشہ ورانہ تربیت رانا تنویر حسین نے آکسفورڈ پاکستان پروگرام کے ایک وفد سے ملاقات میں کیا ۔ چیئرمین ایچ ای سی ڈاکٹر مختار احمد، اے ایس وسیم چوہدری بھی اس موقع پر موجود تھے
۔وفاقی وزیر نے کہا کہ غیر معمولی پاکستانی طالب علموں کے لیے آکسفورڈ میں تعلیم حاصل کرنے کے لیے بہت سے سکالرشپ قائم کرنے کی ضرورت ہے، خاص طور پر خواتین کو لیڈی مارگریٹ ہال میں جو روایتی طور پر خواتین کا کالج ہے۔انہوں نے کہا کہ پاکستان میں تقریبا 64 فیصد نوجوان ہیں جو انسانی سرمائے کو ترقی دے کر معیشت کے تمام اہم شعبوں کو سپورٹ کرنے کی خاطر خواہ صلاحیت رکھتے ہیں۔ حکومت پاکستان سمجھتی ہے کہ پاکستان کی سماجی اقتصادی ترقی کے لیے نوجوانوں کو معیاری تعلیم اور مواقع فراہم کرنا ناگزیر ہے۔
رانا تنویر کو بریفنگ دی گئی کہ او پی پی کے تین بنیادی مقاصد ہیں، آکسفورڈ یونیورسٹی میں پاکستانی اور برٹش پاکستانی طلبا کی کم نمائندگی کو دور کرنا، آکسفورڈ یونیورسٹی اور پاکستان کے اعلی تعلیمی اداروں کے درمیان علمی تبادلے کو فروغ دینا اور پاکستان کے بارے میں علمی بات چیت کو سیکورٹی اور جغرافیائی سیاست کی تنگ دستی سے آگے بڑھانا ہے ۔