بھارتی صحافی نے پاک بھارت میچ قبل بابر اعظم سےفرمائش کردی

بھارتی صحافی وکرانت گپتا نے بھارت اور پاکستان کے درمیان ہائی وولٹیج مقابلے سے ایک روز قبل کپتان بابر اعظم سے ایک فرمائش کردی۔

کولمبو میں ہفتے کے روز پاکستانی کرکٹ ٹیم کا تربیتی سیشن ختم ہونے کے بعد بھارتی صحافی وکرانت گپتا نے پاکستانی کپتان بابر اعظم سے ایک بہت مختصر ملاقات کی۔

وکرانت گپتا نے اس ملاقات کے حوالے سے بھارتی میڈیا کو بتایا کہ ’جب بابر اعظم نیٹ میں ٹریننگ کر رہے تھے تو ان کے بیٹ سے آنے والی آواز دوسروں کے بیٹ سے کافی مختلف تھی، اس مختلف آواز نے میری توجہ اپنی جانب مبذول کرلی چنانچہ ٹریننگ سیشن ختم ہونے کے بعد میں نے بابر اعظم کو روکا اور ان سے کہا کہ مجھے آپ کا آٹوگراف چاہیئے تو اُنہوں نے مجھ سے کہا ٹھیک ہے دے دیں گے۔

It is an honor for me to meet Pakistan captain @babarazam258. He is a very good cricketer, it was nice to talk to him and he is also my son's favorite player Babar Azam.#AsiaCup23 #PAKvIND pic.twitter.com/urM987Uhl4

— Vikrant Gupta (@VikrantGupta73_) September 9, 2023

اُنہوں نے کہا کہ بابر اعظم کا یہ جواب سن کر میں نے اُنہیں واضح کیا کہ میں کرکٹ کھیلتا ہوں اور مجھے آپ کے آٹوگراف کے ساتھ آپ کا ایک بیٹ چاہیئے۔

وکرانت گپتا نے کہا کہ میں اس پہلے آج تک کبھی کسی بھارتی کھلاڑی سے بھی بیٹ نہیں مانگا، اب دیکھتے ہیں کہ بابراعظم مجھے اپنا بیٹ دیتے ہیں یا نہیں۔

واضح رہے کہ ایشیا کپ 2023ء کے سپر 4 مرحلے کے بقیہ میچز سری لنکا کے شہر کولمبو میں کھیلے جائیں گے۔