وزیرِ اعظم شہباز شریف نے چشمہ 5 نیو کلیئر پاور پلانٹ کا سنگِ بنیاد رکھ دیا۔
چشمہ 5 کی استعداد کو 1100 میگا واٹ سے بڑھا کر 1200 میگاواٹ کر دیا گیا ہے۔
معاہدے پر 2017ء میں دستخط ہوئے، منصوبہ 5 برس التواء کا شکار رہا۔
وزیرِ اعظم شہباز شریف کے ملک میں کم لاگت اور ماحول دوست بجلی کے وژن کے تحت اس منصوبے پر کام کو دوبارہ شروع کیا جا رہا ہے۔
اس کے علاوہ وزیرِ اعظم شہباز شریف نے اسلام آباد میں نیشنل یونیورسٹی آف ٹیکنالوجی کے مرکزی کیمپس کا سنگِ بنیاد بھی رکھ دیا۔
تقریب سے خطاب میں وزیرِ اعظم شہباز شریف نے کہا کہ جب تک امیر و غریب کے درمیان تعلیم کے میدان میں تفریق ختم نہ ہو قائد و اقبال کا خواب شرمندۂ تعبیر نہیں ہو سکتا۔
ان کا یہ بھی کہنا تھا کہ امید ہے کہ ہنر مند نوجوان دنیا بھر میں پاکستان کا نام روشن کریں گے۔
