حماس کی جانب سے 2 اسرائیلی یرغمالیوں کو رہا کرنے کی خبر جب امریکی صدر جوبائیڈن تک پہنچی تو وہ پریس کانفرنس کر رہے تھے۔
غیر ملکی میڈیا کے مطابق امریکی صدر جوبائیڈن وائٹ ہاؤس میں پریس کانفرنس کر رہے تھے اور اسی دوران ان کو اطلاع موصول ہوئی کہ حماس نے مزید یرغمالیوں کو رہا کر دیا ہے۔
اس موقع پر صدر بائیڈن نے پریس کانفرنس اچانک ختم کرتے ہوئے کہا کہ مجھے ایک اور مسئلے سے نمٹنے کے لیے سچویشن روم میں جانے کی ضرورت ہے۔
👀👀 President Biden: "I have to go to the situation room. There's an issue I need to deal with."
— Biden at the end of remarks on the economy pic.twitter.com/QDzdBFcLui
— Moshe Schwartz (@YWNReporter) October 23, 2023
اس سے قبل امریکی صدر کا کہنا تھا کہ غزہ جنگ بندی پر کوئی بھی بات چیت اس وقت ہو گی جب حماس تمام یرغمالیوں کو رہا کرے گا۔
واضح رہے کہ پیر کو حماس نے 2 اسرائیلی یرغمالیوں کو رہائی دے دی تھی، دونوں خواتین کی عمریں تقریباً 80 برس ہیں۔
فلسطین کی مزاحمتی تنظیم اس سے پہلے امریکی خاتون اور اس کی بیٹی کو بھی رہائی دے چکی ہے۔
