عمران خان کی امریکی کانگریس کی خاتون رکن کے ساتھ مبینہ آڈیو لیک، ریحام خان کا طنزیہ ردعمل

سابق وزیراعظم عمران خان کی امریکی کانگریس کی خاتون رکن کے ساتھ گفتگو کی مبینہ آڈیو لیک سامنے آنے پر سابقہ اہلیہ ریحام خان نے طنزیہ ردعمل دیتے ہوئے سوال کیا کہ کس دنیا کی بات کر رہے ہیں؟

گزشتہ روز چیئرمین پی ٹی آئی عمران خان کی امریکی کانگریس کی خاتون رکن میکسین مور واٹرز کے ساتھ مبینہ آڈیو لیک سامنے آئی تھی۔

عمران خان نے گفتگو میں تحریک عدم اعتمادکا سارا ملبہ سابق آرمی چیف پر ڈال دیا اور کہا کہ پاکستان تاریخ کے نازک ترین دور سے گزر رہا ہے، مجھے گولیاں ماری گئیں، تاریخ کا بدترین ریاستی جبر ہم پر ہو رہا ہے، میری حکومت کی معاشی کارکردگی گزشتہ 17 سالوں میں سب سے بہترین تھی۔

مبینہ آڈیو لیک میں عمران خان نے امریکی رکن کانگریس سے آواز اٹھانے کی درخواست بھی کی تھی۔ اس مبینہ آڈیو لیک کو آصف محمود نامی ٹوئٹر صارف نے شیئر کرتے ہوئے ٹوئٹ کیا کہ امریکی سازش سائفر کیا ہم غلام کے بعد پیش ہے ہماری مدد کرو ۔

Best economic performance for the last 17 years???
Never before has a political party been persecuted?
In which parallel universe? https://t.co/gQbMIHMoVk

— Reham Khan (@RehamKhan1) May 20, 2023

صارف کی ٹوئٹ کو ری ٹوئٹ کرتے ہوئے ریحام خان نے طنزیہ سوال کیا کہ گزشتہ 17 سالوں کی بہترین معاشی کارکردگی؟ پہلے کبھی کسی سیاسی جماعت پر ظلم نہیں ہوا؟ یہ آپ کس دنیا کی بات کررہے ہیں؟