چینی طالبہ کا منفرد انداز میں ڈگری وصول کرنے کا فیصلہ

گریجویشن مکمل ہونے اور اپنی 4 سالہ محنت کا نتیجہ وصول کرنے کا دن ہر طالب علم کی زندگی کا اہم دن ہوتا ہے اور دنیا بھر میں طلبہ اس دن اپنے اپنے انداز میں خوشی مناتے ہیں۔

برطانیہ میں تعلیم حاصل کرنے والی چینی طالبہ نے گریجویشن مکمل کر کے ڈگری منفرد انداز میں وصول کرنے کا فیصلہ کیا۔

غیرملکی میڈیا کے مطابق ڈگری وصول کرنے کی تقریب میں چینی طالبہ کا انداز لوگوں کو اتنا پسند آیا کہ وہ انٹرنیٹ پر وائرل ہوگیا۔

برطانیہ کی یونیورسٹی میں 24 سالہ چینی طالبہ شین نے ڈگری وصول کرتے ہوئے ’کُنگ فو‘ اسٹائل اپنایا۔

چینی طالبہ کا کہنا ہے کہ انٹرنیٹ پر میرے انداز کو اتنا زیادہ پسند کیے جانے پر حیران ہوں۔

چینی طالبہ کی جانب سے 3 مارچ کو سوشل میڈیا اکاؤنٹ پر لگائی گئی ویڈیو کو اب تک 30 لاکھ مرتبہ دیکھا جاچکا ہے۔