پروفیشنل ریسلنگ جاپان کے مقبول ترین کھیلوں میں سے ایک ہے جسے یہاں کے عوام بھی خوب دیکھتے اور پسند کرتے ہیں۔
غیرملکی میڈیا کے مطابق جاپان میں ایک تیز رفتار بُلٹ ٹرین کے اندر مسافروں کے درمیان ہی ریسلنگ کے مقابلے کا انعقاد کیا گیا۔
برطانوی میڈیا کے مطابق ڈبلیو ڈبلیو ای طرز کا یہ میچ ٹوکیو میں قائم ڈی ڈی ٹی پرو ریسلنگ نے 75 مسافروں سے بھری بوگی میں منعقد کرایا۔
رپورٹ کے مطابق اس ریسلنگ میچ کے ٹکٹ 30 منٹ کے اندر فروخت ہو گئے تھے۔ اس دوران 2 پہلوان دارالحکومت ٹوکیو سے ناگویا شہر تک چلتی ٹرین میں لڑتے رہے۔
— Rasslin' (@RasslinClips) September 18, 2023
غیرملکی میڈیا کے مطابق ریسلنگ کے دوران ٹرین تیز رفتاری سے چلتی رہی اور دونوں پہلوانوں کے درمیان یہ میچ 30 منٹ تک جاری رہا۔
اس دوران ٹرین میں موجود مسافر خود لطف اندوز ہوئے اور کئی افراد اس ریسلنگ میچ کی ویڈیوز بھی بناتے رہے۔
