برطانوی وزیراعظم بورس جانسن کی شہباز شریف کو عہدہ سنبھالنے پر مبارکباد

اسلام آباد:
برطانوی وزیراعظم بورس جانسن کی شہباز شریف کو وزارت عظمیٰ کا عہدہ سنبھالنے پر مبارکباد دی ہے۔

ایکسپریس نیوز کے مطابق وزیراعظم شہبازشریف اور برطانوی ہم منصب بورس جانسن کے درمیان ٹیلیفونک رابطہ ہوا ہے، برطانوی وزیراعظم بورس جانسن نے شہبازشریف کووزارت عظمیٰ کاعہدہ سنبھالنے پر مبارکباد دی، انہوں نے برطانیہ کا پاکستان کے ساتھ دوطرفہ تعلقات کومزید وسعت دینے کی خواہش کا اظہار کیا۔

وزیراعظم شہبازشریف نے بورس جانسن سے گفتگو میں کہا کہ پاکستان برطانیہ کيساتھ تعلقات کو خصوصی اہمیت دیتا ہے، انہوں نے تجارت، سرمایہ کاری اور دیگر شعبوں میں تعلقات کے لیے روڈ میپ تیار کرنے کی تجویز بھی دی۔
شہباز شریف نے برطانوی وزیراعظم سے مسئلہ کشمیر کے پرامن حل کی ضرورت پر زور دینے کا کہا اور مقبوضہ کشمیر میں انسانی حقوق کی شدید خلاف ورزیوں کو بھی اجاگر کیا۔

دونوں وزرائے اعظم نے یوکرین کی صورتحال اور باہمی دلچسپی کے دیگر امور پر بھی تبادلہ خیال کیا، انہوں نے افغانستان میں امن اور استحکام کی ضرورت پر زور دیتے ہوئے کہا کہ افغانستان کی معیشت کو سنبھالنے کے لیے منجمد اثاثے فوری بحال کیے جائیں۔

اپنا تبصرہ بھیجیں