پاکستان مسلم لیگ ن کے پارلیمانی بورڈ کا پانچواں اجلاس لاہور میں جاری ہے۔
مسلم لیگ ن کے قائد محمد نواز شریف اور پارٹی صدر شہباز شریف پارلیمانی اجلاس کی صدارت کر رہے ہیں۔
اجلاس کے شرکاء میں میں مسلم لیگ ن کی سینئر نائب صدر اور چیف آرگنائزر مریم نواز شریف، الیکشن سیل کے سربراہ اسحاق ڈار، سیکریٹری جنرل احسن اقبال اور پنجاب کے صدر رانا ثناء اللّٰہ بھی شامل ہیں۔
پاکستان مسلم لیگ (ن) کے پارلیمانی بورڈ کا اجلاس شروع
یہ پارلیمانی بورڈ کا پانچواں اجلاس ہے
اجلاس پاکستان مسلم لیگ(ن) کے قائد محمد نواز شریف اور پارٹی صدر شہباز شریف کی۔زیرصدارت ہو رہا ہے
پاکستان مسلم لیگ (ن) کی سینئر نائب صدر اور چیف ارگنائزر مریم نواز شریف، الیکشن سیل کے… pic.twitter.com/7s9oLkhv1h— Marriyum Aurangzeb (@Marriyum_A) December 8, 2023
بورڈ اجلاس میں پارٹی کے مرکزی اور صوبائی عہدے داروں کے علاوہ ڈویژنل کوآرڈینیٹرز بھی شریک ہیں۔
یاد رہے کہ مسلم لیگ ن کا پارلیمانی بورڈ آج بہاولپور اور ڈیرہ غازی خان ڈویژن سے امیدواروں کا انتخاب کرے گا۔
نواز شریف تمام امیدواروں سے الگ الگ ملاقاتیں کر کے ان کے انٹرویوز بھی کریں گے، آج بہاولپور اور ڈیرہ غازی خان ڈویژنز کے امیدواروں کے انٹرویو کیے جائیں گے۔
پارلیمانی بورڈ 2 دسمبر سے اب تک سرگودھا ڈویژن، ڈسٹرکٹ راولپنڈی، ہزارہ، مالاکنڈ ڈویژن اور صوبہ بلوچستان میں پارٹی امیدواروں کے ناموں پر غور کر چکا ہے۔
