ویلنٹائن ڈے پر کترینہ اور سلمان ایک ساتھ ہوں گے

ممبئی: بھارت میں جس فلم کا ابھی سب کو بےچینی سے انتظار ہے وہ ہے ٹائیگر تھری لیکن اس فلم کی شوٹنگ کی وجہ سے کترینہ کیف اور ان کے شوہر وکی کوشل ویلنٹائن ڈے ایک ساتھ نہیں منا پائیں گے۔

فلم کی تیاری کا شیڈول کچھ اس طرح ترتیب دیا گیا ہے جس میں کترینہ اپنے شوہر وکی کوشل کے ساتھ ویلنٹائین ڈے نہیں منا پائیں گی بلکہ اس کے برعکس وہ سلمان خان کے ساتھ فلم کی شوٹنگ میں مصروف ہونگی۔

بھارتی میڈیا کے مطابق فلم کی شوٹنگ 14 فروری کو شروع ہوگی۔ فلم کے ہیرو سلمان خان اور ہیروئن کترینہ کیف شوٹنگ سے ایک دن قبل دہلی پہنچیں گے جہاں شوٹنگ کا آغاز ہوگا۔ شوٹنگ کے اس کڑے شیڈول کو مدِنظر رکھتے ہوئے کترینہ اپنے شوہر کے ساتھ ویلنٹائن ڈے نہیں منا سکیں گی۔

بھارتی دارالحکومت میں فلم کی شوٹنگ 10 سے 12 روز جاری رہے گی۔ فلم کی ہدایتکاری یش راج فلمز اور منیش شرما نے مل کر کی ہے۔

واضح رہے کہ وکی کوشل اور کترینہ کیف گزشتہ سال دسمبر کے مہینے میں شادی کے بندھن میں بندھ گئے تھے۔

اپنا تبصرہ بھیجیں