نادیہ خان نے اداکارہ عریشہ رضی کو تنقید کا نشانہ بنانے والوں کو آڑے ہاتھوں لے لیا

پاکستان شوبز انڈسٹری کی معروف اداکارہ و میزبان نادیہ خان نے اداکارہ عریشہ رضی کو تنقید کا نشانہ بنانے والوں کو آڑے ہاتھوں لے لیا۔

اداکارہ نادیہ خان ویڈیو شیئرنگ پلیٹ فارم یوٹیوب پر اپنی روزمرہ کی زندگی سے متعلق وی لاگ شیئر کرتی رہتی ہیں۔ انہوں نے حال ہی میں شادی کے بندھن میں بندھنے والی اداکارہ عریشہ رضی کی ’شیندی‘ سے بھی وی لاگ شیئر کیا۔

تاہم پاکستانی شوبز انڈسٹری میں بطور چائلڈ اسٹار کیریئر شروع کرنے والی عریشہ رضی کی شیندی پر مبنی مذکورہ وی لاگ کے کمنٹس میں سوشل میڈیا صارفین نے دلہنیا کو اپنی ہی شادی پر ڈانس کرنے کے باعث شدید تنقید کا نشانہ بنایا۔

View this post on Instagram

A post shared by Nadia Khan (@outstylewithnadia)

نادیہ خان نے سوشل میڈیا پلیٹ فارم انسٹاگرام پر ویڈیو شیئر کرکے ایسے تمام صارفین کو بلاک کرنے کا انتباہ جاری کردیا جو ان کے تصاویر و ویڈیوز پر منفی تبصرے کریں گے۔

انہوں نے کہا کہ جب میں نے عریشہ کی شیندی کی ویڈیو شیئر کی اس پر جو تبصرے آئے وہ دیکھ کر بہت دکھ ہوا، شادی عریشہ کی تھی اس کی مرضی وہ جتنا چاہئے ڈانس کرے۔

انہوں نے اپنی ویڈیو میں تنبیہ کرتے ہوئے کہا کہ یہ میرا چینل ہے اور یہاں صرف ان لوگوں کی جگہ ہے جو مثبت خیالات رکھتے ہیں اور ان کی بالکل جگہ نہیں ہے جو دوسروں کی عزت کرنا نہیں جانتے۔

ان کا کہنا ہے کہ بس بہت ہوگیا معروف شخصیات کی عزت کیجئے بصورت دیگر آپ کو بلاک کر دیا جائے گا۔