جڑانوالہ میں توہین مذہب کے افسوس ناک واقعے پر شوبز فنکاروں کی شدید مذمت

پنجاب کے شہر جڑانوالہ میں پیش آنے والے توہین مذہب کے افسوس ناک واقعے پر شوبز فنکاروں نے شدید مذمت اور افسوس کا اظہار کیا۔

فوٹو اینڈ ویڈیو شیئرنگ پلیٹ فارم انسٹاگرام پر اسٹوری شیئر کرتے ہوئے اداکارہ سجل علی نے واقعے کی شدید مذمت کی۔

انہوں نے لکھا کہ ’کسی بھی مذہب میں تشدد کی کوئی گنجائش نہیں ہے، یہ انتہائی باعث شرمناک اور دل شکستہ فعل ہے‘۔

انہوں نے مذمت کرتے ہوئے مزید لکھا کہ ’میں اقلیتوں کے خلاف تشدد کے اس عمل کی شدید مذمت کرتی ہوں اور ملک میں اتحاد اور امن کے لیے دعاگو ہوں‘۔

میوزک انڈسٹری سے وابستہ گلوکار اور سماجی کارکن نے سوشل میڈیا پلیٹ فارم ایکس (سابق ٹوئٹر) پوسٹ شیئر کی اور لکھا کہ پہلے بولنے سے ڈر لگتا تھا اور اب ڈر نہ بولنے سے ڈر لگتا ہے۔

انہوں نے مزید لکھا کہ اگر ریاست ویڈیو کی مدد سے اس واقعہ میں ملوث ہر ایک فرد کو گرفتار کرکے مثال قائم نہیں کرتی، تو ہماری بربادی یقینی ہے۔

Pehlay bolnay se dartay thay, Ab na bolain to dar lagta hai… "If the state does not arrest each and every person involved in it through video footage and make an example, then we are doomed @anwaar_kakar https://t.co/U25W1SEkTu

— Shehzad Roy (@ShehzadRoy) August 16, 2023

اداکارہ ازیکا ڈینیل نے سوشل میڈیا پلیٹ فارم ایکس (سابق ٹوئٹر) پر اس افسوس ناک واقعے پر ردعمل دیتے ہوئے لکھا کہ ’یہ جناح کا پاکستان نہیں ہے! میں مسیحی برادری کے خلاف اس ظلم کی شدید مذمت کرتی ہوں، ہم کیوں مقدس مقامات کا احترام نہیں کر سکتے پھر چاہے وہ چرچ ہو یا مسجد؟ میں ان مظالم اور غیر منصفانہ تشدد کے خلاف کھڑی ہوں اور انصاف کا مطالبہ کرتی ہوں‘۔

This is NOT Jinnah’s Pakistan! I strongly condemn this atrocity against the Christian community. Why can’t show some respect for Holy places be it a Church or a Mosque? I stand against these atrocities and unjust acts of violence!
I DEMAND JUSTICE FOR ALL https://t.co/agfgYOgyEp

— Azekah Daniel (@azekahdaniel1) August 16, 2023

اداکارہ و سماجی کارکن نادیہ جمیل نے سوشل میڈیا پر پوسٹ شیئر کرتے ہوئے سوال اُٹھایا کہ کہاں ہیں انسانی حقوق کے تمام نام نہاد کارکن؟ پاکستان کی مسیحی برادری پر ہونے والے اس ظلم اور افسوسناک عمل کے خلاف آواز اٹھانے والے لوگ کہاں ہیں؟

انہوں نے جڑانوالہ واقعے پر اظہار افسوس کرتے ہوئے ایسے شرپسند عناصڑ کو جیلوں میں ڈالنے کا مطالبہ بھی کیا۔

Where are all the so called human rights activists!? Where are the voices for this atrocity and this shameful disrespect of the Christian Community of Pakistan.

These people are what give Pakistan a bad name! They should be locked up for good!#jaranwala

— Nadia Jamil (@NJLahori) August 16, 2023

خیال رہے کہ گزشتہ روز جڑانوالہ میں مشتعل افراد نے 4 گرجا گھر، مسیحی برادری کے درجنوں مکان، گاڑیاں اور مال و اسباب جلا دیئے تھے۔