یوٹیوب ایپ کی بدولت اب ٹی وی پر یوٹیوب دیکھنا مزید آسان

کیلیفورنیا: اگرچہ اب بھی دنیا بھر میں اسمارٹ فون سے یوٹیوب کو ٹی وی سے جوڑا جارہا ہے لیکن اب یوٹیوب نے اس کام کو بہت آسان کردیا ہے جس کی بدولت آپ فوری طور پر اسمارٹ فون پر چلنے والا یوٹیوب اسکرین ٹی وی پر منتقل ہوجاتا ہے جبکہ اسمارٹ فون کو بطور ریموٹ کنٹرول استعمال کیا جاسکے گا۔

اس کے لیے ضروری ہے کہ ایپ اور انٹرنیٹ سے منسلک ٹی وی دونوں ہی ایک اکاؤنٹ سے جڑے ہوں۔ اس کے بعد آپ یوٹیوب ایپ کھولیں گے اور “Connect” پر کلک کیجئے۔ اس کے بعد ٹی وی پر یوٹیوب اسکرین نمایاں ہوجائے گا۔

یوٹیوب نے اس سال اپنی ایپ میں بہت سے تجربات اور تبدیلیاں کی ہیں لیکن یوٹیوب نے ’دوسرے یا سیکنڈ اسکرین‘ پر اپنی توجہ مرکوز کی تھی۔

اسی طرح ٹویٹر نے بھی ایپ کو ٹی وی سے جوڑنے کی کوشش کی ہے جبکہ فیس بک بھی اس پر غور کررہا ہے۔ لیکن اب یوٹیوب نے بازی لے جاتے ہوئے ایپ میں مزید سہولیات پیدا کی ہیں۔

تجزیہ نگاروں نے یوٹیوب کو ٹیلی وژن سے جوڑنے کے اسکرین شاٹ بھی پوسٹ کئے ہیں جن کی بدولت دستاویزی فلم سے لے کر اپنے پسندیدہ ڈراموں کو یوٹیوب پر دیکھا جاسکتا ہے۔

یوٹیوب نے اپنے بلاگ میں کہا ہے کہ اب آپ کا فون ٹی وی سے جڑسکتا ہے اور اب یوٹیوب اسکرین کو براہِ راست اسکرین سے کنٹرول کیا جاسکتا ہے اور فون اس کا ریموٹ کنٹرول بھی بن سکتا ہے۔ اس طرح ویڈیو کی تفصیلات اور کمنٹس وغیرہ پڑھنے میں بھی آسانی ہوسکتی ہے۔

لیکن ان سب کے باوجود ابھی 13 کروڑ 50 لاکھ صارفین اپنے اسکرین پر یوٹیوب دیکھ رہے ہیں جس میں اب مزید اضافہ متوقع ہے۔

ماہرین نے ایپ کو ٹی وی پر دیکھنے کے عمل کو ایک نیا رحجان قرار دیا ہے۔