کاجول کو شاہ رخ خان کی کونسی عادت سخت ناپسند ہے؟

بالی ووڈ کے کنگ خان اور اداکارہ کاجول کی دوستی سے ہر عام و خاص واقف ہے لیکن کاجول نے انکشاف کیا ہے کہ انہیں اپنے بہترین دوست شاہ رخ خان کی ایک بات باکل ناپسند ہے۔

خیال رہے کہ بالی ووڈ کی معروف فلم ’کچھ کچھ ہوتا ہے‘ کے کردار راہول اور انجلی سے شہرت حاصل کرنے والی دوستوں کی یہ جوڑی حقیقی زندگی میں بھی اتنے ہی گہرے دوست ہیں۔

تاہم اب حال ہی میں اداکارہ کاجول نے انکشاف کیا ہے کہ انہیں شاہ رخ خان کی ایک عادت بالکل نہیں پسند اور وہ یہ ہے کہ انہیں سیٹ پر موجود ہر فرد کے ڈائیلاگ یاد ہوتے ہیں۔

انہوں نے مزید کہا کہ مجھے سمجھ نہیں آتا ایک 57 سالہ شخص کیسے سین میں موجود تمام افراد کے ڈائیلاگ یاد کرسکتا ہے، پھر چاہے وہ سین 3 صفحات پر مشتمل ہو، لیکن مجھے شاہ رخ کی یہ عادت اتنی ہی پسند بھی ہے۔

انہوں نے اس بات کا اعتراف بھی کیا کہ وہ شارخ خان سے روزانہ کی بنیاد پر رابطے میں نہیں رہتیں، کیونکہ اگر وہ ایسا کرنے لگ جائیں تو یقیناً شاہ رخ خان بھی تنگ آجائیں گے لیکن مجھے یقین ہے کہ اگر کبھی صبح کے 3 بجے بھی انہیں فون کروں تو وہ میری کال کا جواب ضرور دیں گے۔

واضح رہے کہ کاجول اور شاہ رخ خان مختلف پراجیکٹس میں متعدد بار ایک ساتھ کام کر چکے ہیں۔ دونوں نے ایک ساتھ کئی سپر ہٹ فلمیں کیں، جن میں کبھی خوشی کبھی غم، مائی نیم از خان، کچھ کچھ ہوتا ہے، دل والے سمیت دیگر کئی فلمیں شامل ہیں۔