خواجہ سعد رفیق کی لطیف کھوسہ کو کامیابی پر دلی مبارکباد

لاہور کے حلقے این اے 122 میں بڑا اپ سیٹ ہو گیا، مسلم لیگ ن کے خواجہ سعد رفیق کو شکست ہو گئی۔

غیر حتمی غیر سرکاری نتیجے کے مطابق پی ٹی آئی کے حمایت یافتہ آزاد امیدوار سردار لطیف کھوسہ کامیاب ہو گئے۔

لطیف کھوسہ نے 1 لاکھ 17 ہزار 109ووٹ لیے جبکہ خواجہ سعد رفیق 77ہزار 709 ووٹوں سے دوسرے نمبر پر رہے۔

سردار لطیف کھوسہ صاحب کو دلی مبارکباد

عوامی فیصلے پر خوش دلی سے
سر ِ تسلیم خم

اللّٰہ کریم آنیوالی پارلیمان کو متحد ھو کر قومی بحرانوں پر قابو پانے کی توفیق و تقویت عطا فرماۓ
آمین

— Khawaja Saad Rafique (@KhSaad_Rafique) February 9, 2024

سماجی رابطے کی ویب سائٹ پر جاری کیے گئے بیان میں سعد رفیق نے سردار لطیف کھوسہ کو کامیابی پر دلی مبارکباد پیش کی۔

خواجہ سعد رفیق نے کہا کہ عوامی فیصلے پر خوش دلی سے سر تسلیم خم، اللّٰہ کریم آنے والی پارلیمان کو متحد ہو کر قومی بحرانوں پر قابو پانے کی توفیق و تقویت عطا فرمائے۔